यशया

 २ यरुशलेमशी प्रेमाने बोला,

तिला सांगा, तिचे कष्टाचे दिवस संपले आहेत,

तिच्या अपराधांची किंमत दिली गेली आहे.+

 ४ प्रत्येक दरी भरून काढा,

आणि प्रत्येक डोंगर व टेकडी सपाट करा.

ओबडधोबड जमीन एकसारखी करा,

आणि खडबडीत जमीन मैदानासारखी करा.+

 ५ मग यहोवाचं वैभव प्रकट होईल,+

आणि सर्व माणसं ते एकत्र मिळून पाहतील,+

कारण यहोवा स्वतः हे बोललाय.”

 ७ हिरवं गवत सुकून जातं,

फूल कोमेजून जातं,+

कारण त्यांवर यहोवाचा श्‍वास पडतो.+

 ८ हिरवं गवत सुकून जातं,

फूल कोमेजून जातं,

पण आमच्या देवाचं वचन सर्वकाळ टिकून राहतं.”+

 ९ सीयोनसाठी आनंदाचा संदेश घेऊन येणारी स्त्री,+

तू उंच डोंगरावर चढून जा,

आणि मोठ्या आवाजात घोषणा कर!

यरुशलेमसाठी आनंदाचा संदेश घेऊन येणारी स्त्री,

तू घाबरू नकोस, मोठ्याने बोल!

१० पाहा! सर्वोच्च देव यहोवा आपल्या सामर्थ्याने येईल,

त्याचा हात त्याच्यासाठी राज्य करेल.+

पाहा! त्याचं प्रतिफळ त्याच्याजवळ आहे,

आणि जी मजुरी तो देतो ती त्याच्यासमोर आहे.+

आपल्या हातांनी तो कोकरांना गोळा करेल;

तो त्यांना उचलून आपल्या कुशीत घेईल.

१५ पाहा! त्याच्यासमोर सगळी राष्ट्रं बादलीमधल्या पाण्याच्या एका थेंबासारखी आहेत,

त्याच्या नजरेत ती तराजूवरच्या धुळीच्या कणांसारखी आहेत.+

१६ त्याच्या वेदीवर जाळण्यासाठी लबानोनमधल्या सगळ्या झाडांची लाकडंसुद्धा पुरणार नाहीत,

आणि होमार्पणं देण्यासाठी तिथल्या जंगलातले प्राणीही कमी पडतील.

१७ त्याच्यासमोर सगळी राष्ट्रं अशी आहेत, जणू काय ती अस्तित्वातच नाहीत;+

त्याच्या दृष्टीने ती काहीच नाहीत; ती कवडीमोल आहेत.+

१९ मूर्ती बनवणारा ओतीव मूर्ती बनवतो,

धातूकाम करणारा तिला सोन्याने मढवतो,+

आणि चांदीच्या साखळ्यांनी तिला सजवतो.

मग स्थिर उभी राहील अशी मूर्ती बनवण्यासाठी,+

तो कुशल कारागीर शोधतो.

२२ देव पृथ्वीच्या गोलाच्या* वर निवास करतो,+

त्याच्यासमोर लोक नाकतोड्यांसारखे आहेत.

तो मऊ कापडासारखं आकाश पसरवतो,

तंबू उभारण्यासाठी कापड ताणतात, तसं तो आकाश ताणतो.+

२३ तो मोठमोठ्या अधिकाऱ्‍यांना खाली पाडतो,

पृथ्वीवरच्या न्यायाधीशांना* तो शून्यवत करतो.

२४ ते नुकत्याच लावलेल्या रोपांप्रमाणे आहेत;

ती जमिनीत लावली न लावली,

त्यांनी जमिनीत मूळ धरलं न धरलं,

तोच ती फुंकरेने उडतात आणि वाळून जातात,

वारा त्यांना भुशाप्रमाणे दूर वाहून नेतो.+

जो त्यांच्या सैन्याची मोजणी करून त्यांचं नेतृत्व करतो;

त्यांच्यातल्या प्रत्येकाला जो नावाने बोलावतो,+ त्यानेच त्यांना बनवलं आहे.

त्याच्या प्रचंड आणि अफाट शक्‍तीमुळे, त्याच्या विस्मयकारक ताकदीमुळे,+

त्यांच्यातला एकही गैरहजर राहत नाही.

२७ हे याकोब तू असं का म्हणतोस,

हे इस्राएल तू असं का बोलतोस,

की ‘माझा मार्ग यहोवापासून लपलेला आहे,

आणि देवाकडून मला न्याय मिळत नाही’?+

२९ तो थकलेल्यांना ताकद देतो,

आणि गळून गेलेल्यांना अफाट शक्‍ती देतो.+

३० तरुण मुलं थकतील आणि दमून जातील,

तरुण माणसं अडखळून पडतील,

३१ पण यहोवाची आशा धरणाऱ्‍यांना नव्याने शक्‍ती मिळेल.

ते धावतील, तरी दमणार नाहीत,

ते चालतील, तरी थकणार नाहीत.”+