मीखा

 २ पण तुम्ही तर चांगल्याचा द्वेष करता+ आणि वाइटावर प्रेम करता;+

तुम्ही माझ्या लोकांची कातडी सोलून काढता आणि त्यांच्या हाडांवरच्या मांसाचे लचके तोडता.+

 ३ तुम्ही माझ्या लोकांचं मांस खाता+

आणि त्यांची कातडी सोलून काढता,

भांड्यात* शिजवण्यासाठी जसे मांसाचे तुकडे करतात,

तशी तुम्ही त्यांची हाडं तोडता आणि त्यांचे तुकडेतुकडे करता.+

 ४ त्या वेळी ते यहोवाला मदतीसाठी हाक मारतील,

पण तो त्यांना उत्तर देणार नाही.

त्यांच्या दुष्ट कृत्यांमुळे+

तो त्यांच्यापासून आपलं तोंड फिरवेल.+

 ५ यहोवाच्या लोकांना चुकीच्या मार्गावर जायला लावणारे संदेष्टे,+ दातांनी चावताना*+ शांतीची घोषणा करतात,+

पण ज्याच्याकडून त्यांना तोंडात घालायला काही मिळत नाही, त्याच्याविरुद्ध ते युद्धाची घोषणा करतात;*

 ६ ‘रात्र असल्याप्रमाणे तुम्ही काळोखात असाल;+ तुम्हाला दृष्टान्त दिसणार नाहीत;+

तुमच्यावर फक्‍त अंधार असेल, तुम्ही भविष्य सांगू शकणार नाही.

संदेष्ट्यांवर सूर्य मावळेल,

आणि त्यांच्यासाठी दिवसाढवळ्या काळोख होईल.+

 ७ दृष्टान्त पाहणारे लज्जित होतील,+

आणि भविष्य सांगणारे निराश होतील.

त्या सर्वांना आपलं तोंड* झाकावं लागेल,

कारण देवाकडून त्यांना काहीही उत्तर मिळणार नाही.’”

 ८ पण मी तर याकोबला त्याच्या बंडाबद्दल आणि इस्राएलला त्याच्या पापाबद्दल सांगण्यासाठी,

यहोवाच्या पवित्र शक्‍तीच्या* सामर्थ्याने,

आणि न्यायाने व धैर्याने भरून गेलो आहे.

तुम्हाला न्यायाची घृणा वाटते आणि सरळ असलेल्या गोष्टींना तुम्ही वाकडं करता,+

१० तुम्ही रक्‍तपाताने सीयोन आणि अनीतीने यरुशलेम बांधता.+

११ तिचे पुढारी* न्याय करण्यासाठी लाच घेतात,+

तिचे याजक शिकवण्यासाठी मोबदला घेतात,+

आणि तिचे संदेष्टे पैसे* घेऊन शकुन पाहतात.+

१२ म्हणून, तुमच्यामुळे

सीयोनला एखाद्या शेतासारखं नांगरलं जाईल,

यरुशलेम दगडमातीचा ढिगारा होईल,+

आणि मंदिराचा पर्वत जंगलातल्या उच्च स्थानांसारखा होईल.+