मीखा

उठा, पर्वतांसमोर खटला चालवा,

आणि टेकड्यांना तुमचा आवाज ऐकू द्या.+

 २ हे पर्वतांनो, यहोवाचा वाद ऐका,

पृथ्वीच्या भक्कम पायांनो, तुम्ही ऐका,+

कारण यहोवाचा त्याच्या लोकांविरुद्ध एक खटला आहे.

 ४ कारण मी तुम्हाला इजिप्तमधून* बाहेर आणलं,+

गुलामगिरीच्या घरातून तुम्हाला सोडवलं.+

 ५ माझ्या लोकांनो, मवाबचा राजा बालाक याने काय कारस्थान केलं होतं,+

आणि बौरचा मुलगा बलाम याने त्याला काय उत्तर दिलं होतं, ते आठवा.+

शिट्टीमपासून+ गिलगालपर्यंत+ कायकाय घडलं, हे आठवून पाहा,

म्हणजे तुम्हाला यहोवाची नीतिमान कार्यं कळतील.”

इतकीच, की तू न्यायाने वागावं,*+ एकनिष्ठेची आवड धरावी,*+

आणि तुझ्या देवासोबत+ नम्रपणे चालत राहावं!+

 ९ यहोवा शहराला हाक मारत आहे;

ज्यांच्याकडे शहाणपण* आहे, ते तुझ्या नावाचं भय मानतील.

११ माझ्याकडे फसवा तराजू असताना,

आणि दगडाची खोटी वजनं असताना मी निर्दोष* असू शकतो का?+

१२ कारण तिची श्रीमंत माणसं सतत हिंसाचार करतात,

आणि तिचे रहिवासी खोटं बोलतात;+

त्यांची जीभ फसव्या गोष्टी करते.+

१३ “म्हणून मी तुला कठोर शिक्षा करीन,+

तुझ्या पापांमुळे मी तुला उजाड करीन.

१४ तू खाशील, पण तृप्त होणार नाहीस;

तुझं पोट रिकामंच राहील.+

ज्या वस्तू तू सांभाळून ठेवण्याचा प्रयत्न करशील, त्या तुला सुखरूप ठिकाणी नेता येणार नाहीत,

आणि तू त्या नेल्यास, तरी मी त्या तलवारीच्या हाती देईन.

तू जैतून तुडवशील, पण त्यांचं तेल तुला वापरायला मिळणार नाही;

आणि तू नवीन द्राक्षारस बनवशील, पण तो पिऊ शकणार नाहीस.+

१६ कारण तुम्ही अम्रीचे कायदे पाळता, अहाबच्या घराण्याच्या रीतींप्रमाणे वागता,+

आणि तुम्ही त्यांच्या सल्ल्याचं पालन करता.

म्हणून, तुम्हाला पाहून लोकांना भीती वाटेल अशी मी तुमची स्थिती करीन

आणि शहराच्या रहिवाशांना पाहून लोक त्यांची थट्टा करतील;+

आणि राष्ट्रं तुम्हाला तुच्छ समजतील.”+