यशया

 २ बघ, पृथ्वी अंधाराने झाकली जाईल,

आणि राष्ट्रं दाट काळोखात बुडतील;

पण तुझ्यावर मात्र यहोवाचा प्रकाश पडेल,

त्याच्या वैभवाचं तेज तुझ्यावर चमकेल.

ते सर्व एकत्र जमून तुझ्याकडे येत आहेत;

तुझी मुलं दूरच्या ठिकाणांहून येत आहेत,+

आणि तुझ्या मुलींना कडेवर बसवून आणलं जात आहे.+

 ५ तू हे पाहशील तेव्हा तुझ्या चेहऱ्‍यावर आनंद झळकेल,+

तुझ्या काळजाची धडधड वाढेल आणि तुझं मन आनंदाने भरून जाईल.

कारण समुद्रातलं धन तुझ्याकडे लोटलं जाईल;

राष्ट्रांची संपत्ती तुझ्याकडे चालून येईल.+

मी माझ्या वेदीवर बलिदान म्हणून त्यांचा स्वीकार करीन,+

आणि माझ्या वैभवशाली मंदिराची शोभा वाढवीन.+

तुझ्या मुलांना त्यांच्या सोन्या-चांदीसह लांबून आणण्यात,+

तार्शीशची जहाजं सगळ्यात पुढे आहेत.

१० विदेशी लोक तुझ्या शहराच्या भिंती बांधतील,

आणि त्यांचे राजे तुझी सेवा करतील.+

मी रागाच्या भरात जरी तुला शिक्षा केली होती,

तरी आता मी तुझ्यावर प्रसन्‍न होऊन तुझ्यावर दया करीन.+

११ तुझ्या शहराचे दरवाजे कायम उघडे ठेवले जातील;+

दिवसा किंवा रात्रीही ते बंद केले जाणार नाहीत.

१२ कारण जे राष्ट्र किंवा जे राज्य तुझी सेवा करणार नाही त्याचा नाश होईल;

अशा सर्व राष्ट्रांना पूर्णपणे उद्ध्‌वस्त केलं जाईल.+

१३ माझ्या मंदिराचं सौंदर्य वाढवण्यासाठी,

लबानोनचं वैभव तुझ्याकडे येईल;+

गंधसरूची, भद्रदारूची आणि सुरूची झाडं मिळून तुझ्याकडे येतील.+

१४ ज्यांनी तुझ्यावर जुलूम केले त्यांची मुलं तुझ्यापुढे येऊन नमतील;

तुझा अपमान करणारे सगळे तुझ्या पायांवर आपलं डोकं टेकवतील.

१५ तू टाकून दिलेली होतीस आणि तुझा द्वेष केला जायचा,

तुझ्यातून कोणीही ये-जा करत नव्हतं.+

पण आता मी तुला सर्वकाळचं भूषण असं करीन,

आणि तुझ्यामुळे सर्व पिढ्यांना आनंद होईल.+

आणि तुला समजून येईल, की मी यहोवा, तुझा तारणकर्ता आहे;

याकोबचा शक्‍तिशाली देव तुझा सोडवणारा आहे.+

१७ मी तांब्याच्या जागी सोनं आणि लोखंडाच्या जागी चांदी आणीन;

मी लाकडाच्या जागी तांबं आणि दगडाच्या जागी लोखंड आणीन.

मी शांतीला तुझ्यावर देखरेख करायला नेमीन,

आणि नीतिमत्त्वाला तुला काम नेमून देणारा करीन.+

१८ यापुढे तुझ्या देशात हिंसा होणार नाही,

तुझ्या सीमांच्या आत नाश किंवा विध्वंस यांचं नावही ऐकू येणार नाही.+

१९ इथून पुढे दिवसा प्रकाशासाठी तुला सूर्याची,

आणि रात्री प्रकाशासाठी चंद्राची गरज पडणार नाही.

कारण यहोवा स्वतः तुझा सर्वकाळचा प्रकाश होईल,+

तुझा देव तुझं सौंदर्य होईल.+

२० यापुढे तुझा सूर्य कधीही मावळणार नाही,

किंवा तुझ्या चंद्राचा प्रकाश कधीही कमी होणार नाही.

कारण यहोवा स्वतः तुझा सर्वकाळचा प्रकाश होईल,+

आणि शोक करायचे तुझे दिवस संपलेले असतील.+

२१ तुझे सर्व लोक नीतिमान असतील;

ते सर्वकाळासाठी देशाचा ताबा घेतील.

ते माझ्या हातची कार्यं;+

माझ्या गौरवासाठी मी लावलेली रोपं आहेत.+

२२ जो सगळ्यात लहान, तो हजार होईल,

आणि जो सगळ्यात छोटा, तो शक्‍तिशाली राष्ट्र बनेल.