मीखा

७ अरेरे, माझी किती वाईट स्थिती आहे! मी अशा माणसासारखा आहे,

ज्याला उन्हाळ्यातली फळं गोळा केल्यावर

आणि कापणीनंतर उरलेली द्राक्षं वेचल्यावर,

द्राक्षाचा एकही गुच्छ खायला मिळाला नाही;

पहिल्या बहरातलं अंजीर खायची इच्छा असून, मला एकही अंजीर मिळालं नाही.

 २ पृथ्वीवरून एकनिष्ठ माणूस नाहीसा झाला आहे;

माणसांमध्ये एकही जण प्रामाणिक नाही.+

 ३ त्यांचे हात वाईट कामं करण्यात तरबेज आहेत;+

अधिकारी मागण्या करतो,

न्यायाधीश मोबदला मागतो,+

प्रतिष्ठित माणूस आपल्या इच्छा सांगतो,+

ते सर्व मिळून कट रचतात.

 ४ त्यांच्यातला सगळ्यात चांगला माणूस काट्यांसारखा आहे,

तर सगळ्यात सरळ माणूस, काटेरी कुंपणाहून वाईट आहे.

 ६ कारण मुलगा आपल्या वडिलांना तुच्छ समजतो,

मुलगी आपल्या आईचा विरोध करते;+

आणि सून आपल्या सासूचा विरोध करते;+

माणसाच्या घरचे लोकच त्याचे शत्रू आहेत.+

कारण मी पडलो असलो, तरी पुन्हा उठीन;

मी अंधारात राहत असलो, तरी यहोवा माझा प्रकाश होईल.

म्हणून जोपर्यंत तो माझा खटला चालवून माझा न्याय करत नाही,

तोपर्यंत मी त्याचा क्रोध सहन करीन.

तो मला बाहेर प्रकाशात आणेल;

मी त्याचा न्यायीपणा पाहीन.

१० जी माझी वैरीण आहे, तीसुद्धा हे पाहील,

“तुझा देव यहोवा कुठे आहे?”+ असं जी मला म्हणते, ती लज्जित होईल.

११ तुझ्या भिंती बांधण्याचा तो दिवस असेल;

त्या दिवशी सीमा वाढवली जाईल.

ते थेट अश्‍शूरहून आणि इजिप्तच्या शहरांतून येतील,

इजिप्तपासून फरात नदीपर्यंत;

एका समुद्रापासून दुसऱ्‍या समुद्रापर्यंत आणि एका पर्वतापासून दुसऱ्‍या पर्वतापर्यंत राहणारे लोक तुझ्याकडे येतील.+

१३ देश आपल्या रहिवाशांमुळे

आणि त्यांनी केलेल्या कामांमुळे* उजाड होईल.

१४ तू आपल्या काठीने तुझ्या लोकांचं, तुझ्या वारशाच्या कळपाचं पालन कर,+

तो जंगलात, फळांच्या बागेत एकटा राहत होता.

१५ “तुम्ही इजिप्तच्या देशातून बाहेर आला होता, त्या दिवसांप्रमाणेच,

मी त्याला अद्‌भुत गोष्टी दाखवीन.+

ते आपल्या तोंडावर हात ठेवतील;

त्यांचे कान बहिरे होतील.

१७ ते सापांसारखे धूळ चाटतील;+

जमिनीवर सरपटणाऱ्‍या प्राण्यांसारखे ते आपल्या सुरक्षित ठिकाणांतून थरथर कापत येतील.

ते भीतभीत देवाकडे, यहोवाकडे येतील,

आणि ते त्याचं भय मानतील.”+

तुझा क्रोध सर्वकाळ राहणार नाही,

कारण तुला एकनिष्ठ प्रेमाची आवड आहे.+

२० तू पूर्वीच्या काळात आमच्या वाडवडिलांना वचन दिल्याप्रमाणे+

याकोबशी विश्‍वासूपणे वागशील,

आणि अब्राहामला एकनिष्ठ प्रेम दाखवशील.