यशया

३२ पाहा! राजा+ नीतीने राज्य करेल,+

आणि अधिकारी न्यायाने शासन करतील.

 २ प्रत्येक जण वाऱ्‍यापासून लपण्याची जागा,*

आणि वादळी पावसापासून मिळणारा आसरा होईल;

तो कोरड्या देशात वाहणारा पाण्याचा झरा,+

आणि रखरखीत जमिनीवर पडलेली मोठ्या खडकाची सावली होईल.

 ३ तेव्हा, पाहणाऱ्‍यांचे डोळे कधी बंद होणार नाहीत,

आणि ऐकणाऱ्‍यांचे कान लक्ष देऊन ऐकतील.

 ४ उतावळ्या माणसांचं मन ज्ञानाच्या गोष्टींवर मनन करेल,

अडखळत बोलणाऱ्‍यांची जीभ स्पष्ट बोलेल.+

 ५ मूर्ख माणसाला यापुढे उदार म्हटलं जाणार नाही,

आणि अनीतीने वागणाऱ्‍याला प्रतिष्ठित म्हटलं जाणार नाही.

 ६ कारण मूर्ख माणूस मूर्खपणाच्या गोष्टी बोलेल,

आणि तो मनात दुष्ट योजना आखेल.+

आणि यहोवाच्या विरोधात वाईट गोष्टी बोलायला असं करेल;

उपाशी लोकांना उपाशी ठेवायला,

आणि तहानलेल्या लोकांना प्यायला काही मिळू नये म्हणून तो असं करेल.

तो निर्लज्ज वागणुकीला उत्तेजन देतो;+

गरीब माणूस खरं बोलत असला, तरीही तो असं करतो.

 ८ पण उदार मनाच्या माणसाचे विचार उदार असतात,

आणि तो उदारता दाखवायचं कधीही सोडत नाही.

१० आज तुम्ही निश्‍चिंत आहात, पण वर्षभरानंतर तुम्ही थरथर कापाल;

कारण द्राक्षांचा हंगाम संपला तरी तुमच्या हाती काहीच लागणार नाही.+

१२ सुपीक शेतांसाठी आणि फळलेल्या द्राक्षमळ्यांसाठी,

छाती बडवून शोक करा.

१३ कारण माझ्या लोकांची जमीन काट्याकुट्यांनी आणि काटेरी झुडपांनी भरून जाईल;

आनंद साजरा करणारी सर्व घरं,

आणि जल्लोष करणारं शहर+ त्यांनी भरून जाईल.

१४ कारण मजबूत बुरूज ओसाड पडला आहे;

गजबजलेलं शहर रिकामं झालं आहे;+

ओफेल+ आणि पहारेकऱ्‍यांचा बुरूज हे कायमचे ओसाड पडले आहेत.

ती रानगाढवांची आवडती ठिकाणं,

आणि कळपांची कुरणं बनली आहेत.+

१५ आमच्यावर देवाच्या पवित्र शक्‍तीचा* वर्षाव होईपर्यंत,+

ओसाड प्रदेश फळबाग बनेपर्यंत,

आणि फळबाग हिरव्यागार जंगलासारखी मानली जाईपर्यंत असं होईल.+

१६ मग ओसाड प्रदेशात न्यायीपणा वस्ती करेल,

आणि फळबागेत नीतिमत्त्व राहील.+

१७ खऱ्‍या नीतिमत्त्वामुळे शांती नांदेल,+

आणि कायमची सुखशांती व सुरक्षा हे त्याचं फळ असेल.+

१८ माझे लोक नेहमी शांतीच्या निवासस्थानात राहतील,

जिथे शांती आणि विसावा मिळेल अशा सुरक्षित ठिकाणी ते राहतील.+

१९ पण गारांच्या वर्षावाने जंगलाचा नाश होईल,

आणि शहर जमीनदोस्त होईल.