यिर्मया
१ हे यिर्मयाचे* शब्द आहेत. तो बन्यामीन प्रदेशातल्या अनाथोथ+ शहरात राहणाऱ्‍या याजकांपैकी हिल्कीया याजकाचा मुलगा होता. २ यहूदाचा राजा, म्हणजे आमोनचा+ मुलगा योशीया+ याच्या शासनकाळाच्या १३ व्या वर्षी यिर्मयाला यहोवाकडून* संदेश मिळाला. ३ त्याला यहूदाचा राजा, म्हणजे योशीयाचा मुलगा यहोयाकीम+ याच्या शासनकाळातही देवाकडून संदेश मिळाला. आणि यहूदाचा राजा, म्हणजे योशीयाचा मुलगा सिद्‌कीया+ याच्या शासनकाळाचं ११ वं वर्ष पूर्ण होईपर्यंत, म्हणजे पाचव्या महिन्यात यरुशलेम बंदिवासात जाईपर्यंत यिर्मयाला देवाकडून संदेश मिळत राहिला.+
४ यहोवाकडून मला संदेश मिळाला; तो मला म्हणाला:
५ “मी तुला आईच्या गर्भात घडवलं, त्याआधीच मी तुला ओळखत होतो.*+
तुझा जन्म होण्याआधीच मी तुला पवित्र केलं.*+
मी तुला राष्ट्रांसाठी संदेष्टा म्हणून नेमलं.”
६ पण मी म्हणालो: “हे सर्वोच्च प्रभू यहोवा!
मी तर एक लहान मुलगा* आहे.+ मला नीट बोलताही येत नाही.”+
७ त्यावर यहोवा मला म्हणाला:
“असं बोलू नकोस, की ‘मी तर एक लहान मुलगा आहे.’
कारण ज्यांच्याकडे मी तुला पाठवीन, त्या सगळ्यांकडे तुला जावं लागेल,
आणि ज्या गोष्टी मी तुला सांगितल्या, त्या सगळ्या तुला त्यांना सांगाव्या लागतील.+
९ त्यानंतर यहोवाने आपला हात पुढे करून माझ्या तोंडाला स्पर्श केला.+ मग यहोवा मला म्हणाला: “मी माझे शब्द तुझ्या मुखात घातले आहेत.+ १० बघ, मी आज तुला राष्ट्रांवर आणि राज्यांवर नेमलंय; मुळासकट उपटायला आणि जमीनदोस्त करायला, नाश करायला आणि पाडून टाकायला, बांधायला आणि लागवड करायला मी तुला नेमलंय.”+
११ यहोवाकडून मला पुन्हा संदेश मिळाला. तो मला म्हणाला: “यिर्मया, तुला काय दिसतंय?” तेव्हा मी म्हणालो: “मला बदामाच्या झाडाची* एक फांदी दिसत आहे.”
१२ त्यावर यहोवा मला म्हणाला: “तू बरोबर बघितलंस. कारण मी माझा शब्द पूर्ण करायच्या बाबतीत जागृत असतो.”
१३ यहोवाकडून मला दुसऱ्‍यांदा संदेश मिळाला. त्याने मला विचारलं: “तुला काय दिसतंय?” तेव्हा मी म्हणालो: “मला उकळत असलेलं एक मोठं भांडं* दिसतंय. त्याचं तोंड उत्तरेकडून दक्षिणेकडे झुकलेलं आहे.” १४ मग यहोवा मला म्हणाला:
“या देशातल्या सगळ्या लोकांवर उत्तरेकडून एक संकट येईल.+
१५ कारण यहोवा म्हणतो, ‘मी उत्तरेकडच्या राज्यांतल्या सगळ्या घराण्यांना बोलवतोय.+
ते सगळे येतील, आणि त्यांच्यातला प्रत्येक जण यरुशलेमच्या प्रवेशद्वाराजवळ आपलं राजासन मांडेल;+
प्रत्येक जण शहराच्या भिंतीभोवती आणि यहूदाच्या सगळ्या शहरांभोवती आपलं राजासन मांडेल.+
१६ माझ्या लोकांनी केलेल्या दुष्टपणाबद्दल मी त्यांच्यावर न्यायदंड बजावीन.
त्यांनी मला सोडून दिलंय,+ आणि ते इतर दैवतांपुढे बलिदानांचं हवन करत आहेत.+
शिवाय ते आपल्या हातांनी बनवलेल्या मूर्तींच्या पाया पडत आहेत.’+
१७ पण तू कार्य करायला तयार हो,
आणि मी जे काही तुला सांगितलंय, ते सगळं त्यांना जाऊन सांग.
त्यांना घाबरू नकोस,+ नाहीतर त्यांच्यासमोर मी तुला घाबरवीन.
१८ कारण आज मी तुला या देशाविरुद्ध
मजबूत भिंती असलेल्या शहरासारखं, लोखंडाच्या खांबासारखं आणि तांब्याच्या भिंतींसारखं बनवलंय;+
म्हणजे तू यहूदाच्या राजांचा, तिथल्या अधिकाऱ्‍यांचा, याजकांचा आणि देशातल्या सगळ्या लोकांचा सामना करू शकशील.+
१९ ते तुझ्याशी लढतील, पण ते तुला हरवू शकणार नाहीत.
कारण ‘तुला वाचवायला मी तुझ्यासोबत आहे,’+ असं यहोवा म्हणतो.”