नीतिवचनं
२५ यहूदाचा राजा हिज्कीया+ याच्या लेखकांनी उतरवून घेतलेली,* शलमोनची आणखी काही नीतिवचनं:+
२ एखादी गोष्ट गुप्त ठेवणं, यात देवाचा गौरव आहे,+
आणि एखाद्या गोष्टीचा शोध घेणं, यात राजांचा गौरव आहे.
३ आकाश जितकं उंच आणि पृथ्वी जितकी खोल आहे,
तितकाच राजाच्या मनाचा थांग लागणं अशक्य आहे.
४ चांदीमधून गाळ काढून टाक,
म्हणजे ती पूर्णपणे शुद्ध होईल.+
५ राजासमोरून दुष्टाला काढून टाक,
म्हणजे त्याचं राजासन न्यायामुळे स्थिर होईल.+
७ कारण एखाद्या प्रतिष्ठित माणसासमोर त्याने तुझा अपमान करण्यापेक्षा,
“इकडे वर ये” असं त्याने म्हणणं चांगलं.+
८ खटला भरण्याची घाई करू नकोस,
कारण नंतर तुझ्या शेजाऱ्‍याने तुला लज्जित केलं, तर तू काय करशील?+
१० कारण ती गोष्ट ऐकणारा तुझा अपमान करेल
आणि तू पसरवलेली वाईट गोष्ट* तुला मागे घेता येणार नाही.
१२ जो ऐकून घ्यायला तयार असतो, त्याच्यासाठी ताडन देणारा बुद्धिमान माणूस,
सोन्याच्या कर्णफुलासारखा आणि शुद्ध सोन्याच्या दागिन्यासारखा असतो.+
१३ कापणीच्या दिवशी जसा बर्फाचा गारवा,
तसा विश्‍वासू निरोप्या त्याच्या पाठवणाऱ्‍यासाठी असतो,
१४ ढग जमतात, वारा सुटतो पण पाऊस पडत नाही,
त्याचप्रमाणे एखादा माणूस, न दिलेल्या भेटवस्तूबद्दल* नुसतीच बढाई मारतो.+
१६ मध सापडला, तर हवा तेवढाच खा,
जास्त खाल्लास, तर तू तो ओकून टाकशील.+
१७ आपल्या शेजाऱ्‍याच्या घरी सारखंसारखं जाऊ नकोस,
नाहीतर तो कंटाळून तुझा द्वेष करू लागेल.
१८ आपल्या शेजाऱ्‍याविरुद्ध खोटी साक्ष देणारा,
सोटा, तलवार किंवा तीक्ष्ण बाण यांच्यासारखा असतो.+
१९ संकटाच्या काळात बेभरवशाच्या* माणसावर अवलंबून राहणं,
हे तुटलेल्या दाताने चावण्यासारखं आणि लटपटत्या पायाने चालण्यासारखं आहे.
२० दुःखी मनाच्या माणसासमोर गाणी म्हणणारा,+
थंडीच्या दिवशी वस्त्र काढून घेणाऱ्‍यासारखा
२३ उत्तरेकडच्या वाऱ्‍यासोबत पाऊस येतोच,
तसंच निंदा करणारी जीभ राग आणते.+
२६ दुष्टासमोर हात टेकणारा* नीतिमान माणूस,
गढूळ झालेल्या झऱ्‍यासारखा आणि दूषित झालेल्या विहिरीसारखा असतो.