स्तोत्र

तो मला लढाईचं प्रशिक्षण देतो

आणि युद्धासाठी सज्ज करतो.+

 ४ माणूस तर फक्‍त श्‍वासासारखा आहे;+

त्याचं आयुष्य* विरून जाणाऱ्‍या सावलीसारखं आहे.+

 ५ हे यहोवा, तुझं आकाश झुकव* आणि खाली उतर;+

पर्वतांना स्पर्श कर आणि त्यांना धुमसू दे.+

 ६ विजा चमकव आणि शत्रूंची पांगापांग कर;+

तुझे बाण चालव आणि त्यांचा गोंधळ उडव.+

 ७ आकाशातून तुझे हात लांब कर

आणि उसळत्या पाण्यातून मला वाचव,

विदेश्‍यांच्या तावडीतून* मला सोडव.+

 ८ ते खोटं बोलतात

आणि आपला उजवा हात उंचावून खोटी शपथ घेतात.

१० कारण तू राजांना विजयी करतोस,*+

तू आपला सेवक दावीद याला भयानक तलवारीपासून सोडवतोस.+

११ मला विदेश्‍यांच्या हातून सोडव,

आणि खोटं बोलणाऱ्‍यांपासून माझी सुटका कर.

१२ मग आमची तरुण मुलं भराभर वाढणाऱ्‍या रोपांसारखी असतील,

आणि आमच्या मुली, महालाच्या कोपऱ्‍यासाठी कोरलेल्या नक्षीदार खांबांसारख्या होतील.

१३ आमची कोठारं सर्व प्रकारच्या अन्‍नधान्याने ओसंडून वाहतील;

आमच्या शेतांतले कळप हजारो-लाखो पटींनी वाढतील.

१४ पोटात गर्भ असलेल्या आमच्या गुराढोरांना इजा होणार नाही,

किंवा त्यांचा गर्भपात होणार नाही;

आमच्या चौकांमध्ये कोणीही दुःखामुळे आक्रोश करणार नाही.