नीतिवचनं

६ माझ्या मुला, जर तू आपल्या शेजाऱ्‍यासाठी जामीन राहिला असशील,+

जर तू एखाद्या परक्या माणसासोबत करार केला असशील,+

 २ आणि जर तू वचन देऊन अडकला असशील,

किंवा तुझ्या तोंडून निघालेल्या शब्दांत पकडला गेला असशील,+

 ३ तर माझ्या मुला, तू आपल्या शेजाऱ्‍याच्या हाती सापडला आहेस.

 ४ जोपर्यंत तू असं करत नाहीस, तोपर्यंत आपल्या डोळ्यांवर झोप येऊ देऊ नकोस;

किंवा आपल्या पापण्या मिटून विश्रांती घेऊ नकोस.

 ५ शिकाऱ्‍याच्या हाती सापडलेल्या हरिणीप्रमाणे;

पारध्याच्या हाती सापडलेल्या पक्ष्याप्रमाणे, स्वतःला सोडवून घे.

 ६ अरे आळश्‍या, मुंगीकडे जा,+

तिचं निरीक्षण कर आणि बुद्धिमान हो.

 ७ तिच्यावर कोणी सेनापती, अधिकारी किंवा शासक नसतो,

 ८ तरी ती उन्हाळ्यात आपल्या अन्‍नाची सोय करते+

आणि कापणीच्या काळात आपली अन्‍नसामग्री गोळा करते.

१० जराशी डुलकी घेतो, जराशी झोप घेतो,

हात छातीशी घेऊन अजून थोडासा आराम करतो,+

११ असं म्हणत राहिलास, तर गरिबी एखाद्या लुटारूप्रमाणे,

आणि दारिद्र्‌य एखाद्या शस्त्रधारी माणसाप्रमाणे तुला गाठेल.+

१२ रिकामटेकडा आणि दुष्ट माणूस कपटीपणाच्या गोष्टी करत फिरतो;+

१३ तो डोळे मिचकावतो,+ पायांनी इशारे करतो, आणि बोटांनी खाणाखुणा करतो.

१५ त्यामुळे त्याच्यावर अचानक संकट कोसळेल,

एका क्षणात तो धुळीला मिळेल आणि पुन्हा उठू शकणार नाही.+

१६ यहोवाला सहा गोष्टींचा तिटकारा आहे;

हो, त्याला* सात गोष्टींबद्दल घृणा आहे:

१७ गर्विष्ठ नजर,+ खोटं बोलणारी जीभ,+ निर्दोष रक्‍त सांडणारे हात,+

१८ दुष्ट कारस्थानं करणारं मन,+ वाईट गोष्टींकडे घाईघाईने धावणारे पाय,

१९ क्षणाक्षणाला लबाड बोलणारा खोटा साक्षीदार+

आणि भावाभावांत भांडणतंटे उत्पन्‍न करणारा माणूस.+

२० माझ्या मुला, तू आपल्या वडिलांची आज्ञा पाळ

आणि आपल्या आईची शिकवण* सोडू नकोस.+

२१ त्यांचे शब्द नेहमी आपल्या हृदयाशी कवटाळून ठेव

आणि ते आपल्या गळ्यात बांधून ठेव.

२२ तू चालशील तेव्हा ते तुला मार्ग दाखवतील;

तू झोपशील तेव्हा ते तुझ्यावर पहारा देतील

आणि तू उठशील तेव्हा ते तुझ्याशी बोलतील.*

२३ कारण आज्ञा ही दिव्यासारखी,+

नियम हा प्रकाशासारखा+

आणि सुधारणुकीसाठी दिलेलं ताडन हे जीवनाच्या मार्गासारखं आहे.+

२४ ते तुला वाईट स्त्रीपासून वाचवतील,+

अनैतिक* स्त्रीच्या भुलवणाऱ्‍या शब्दांपासून तुझं रक्षण करतील.+

२५ तिच्या सौंदर्याचा तुझ्या मनाला मोह होऊ देऊ नकोस,+

किंवा तिच्या सुरेख डोळ्यांनी मोहित होऊ नकोस.

२६ कारण वेश्‍येमुळे माणूस कंगाल होतो*+

आणि दुसऱ्‍याच्या बायकोच्या नादी लागणारा आपला अनमोल जीव* गमावून बसतो.

२९ दुसऱ्‍याच्या बायकोसोबत संबंध ठेवणाऱ्‍याच्या बाबतीतही तसंच आहे;

तिला स्पर्श करणाऱ्‍याला शिक्षा मिळाल्याशिवाय राहणार नाही.+

३० एखाद्याने आपली भूक भागवण्यासाठी* चोरी केली,

तर लोक त्याला दोष देत नाहीत.

३२ जो एखाद्या स्त्रीसोबत व्यभिचार करतो, त्याला समज नसते;

तो स्वतःवर* नाश ओढवून घेतो.+

३३ त्याला फक्‍त दुःख आणि अपमान सहन करावा लागेल,+

आणि त्याचा कलंक कधीही पुसला जाणार नाही.+

३४ कारण ईर्ष्येने पेटलेल्या नवऱ्‍याचा क्रोध भयानक असतो;

सूड घेताना तो दयामया दाखवणार नाही.+

३५ तो कोणतीही भरपाई* स्वीकारणार नाही;

कितीही मौल्यवान भेट दिली, तरी त्याचा राग शांत होणार नाही.