-
आनंदाच्या संदेशाचा प्रचार कसा केला जात आहे?कायम जीवनाचा आनंद घ्या!—देवाकडून शिकू या
-
-
धडा २१
आनंदाच्या संदेशाचा प्रचार कसा केला जात आहे?
लवकरच यहोवा त्याच्या राज्याद्वारे आपल्या सगळ्या समस्या काढून टाकणार आहे. ही खरंच खूप आनंदाची बातमी आहे आणि ती सगळ्यांना कळणं गरजेचं आहे. येशूने आपल्या अनुयायांना सांगितलं की त्यांनी आनंदाचा हा संदेश सगळ्यांना सांगितला पाहिजे. (मत्तय २८:१९, २०) आज यहोवाचे साक्षीदार येशूच्या या आज्ञेचं कशा प्रकारे पालन करत आहेत?
१. मत्तय २४:१४ मधले शब्द आज कसे पूर्ण होत आहेत?
येशूने सांगितलं होतं, की “राज्याचा हा आनंदाचा संदेश संपूर्ण जगात घोषित केला जाईल.” (मत्तय २४:१४) हे महत्त्वाचं काम करायला यहोवाच्या साक्षीदारांना खूप आनंद वाटतो. आम्ही जगभरात १,००० पेक्षा जास्त भाषांमध्ये लोकांना आनंदाचा संदेश सांगत आहोत. इतक्या मोठ्या प्रमाणावर हे काम करण्यासाठी खूप मेहनत आणि चांगली योजना करावी लागते. आणि यहोवाच्या मदतीशिवाय हे काम करणं शक्यच नाही.
२. आम्ही आनंदाचा संदेश लोकांपर्यंत कसा पोहोचवतो?
आम्हाला जिथे कुठे लोक भेटतात तिथे आम्ही त्यांना आनंदाचा संदेश सांगतो. पहिल्या शतकातल्या ख्रिश्‍चनांप्रमाणेच आम्हीही “घरोघरी” प्रचार करतो. (प्रेषितांची कार्यं ५:४२) अशा प्रकारे पद्धतशीरपणे प्रचार केल्यामुळे आम्हाला दर वर्षी लाखो लोकांना भेटणं शक्य होतं. पण लोक नेहमी घरी भेटतातच असं नाही. म्हणून आम्ही बऱ्‍याच सार्वजनिक ठिकाणीही प्रचार करतो. खरंतर, यहोवाबद्दल आणि लवकरच तो काय करणार आहे याबद्दल दुसऱ्‍यांना सांगण्यासाठी आम्ही नेहमी संधी शोधत असतो.
३. आनंदाच्या संदेशाचा प्रचार करायची जबाबदारी कोणाची आहे?
आनंदाचा संदेश सांगायची जबाबदारी प्रत्येक खऱ्‍या ख्रिश्‍चनाची आहे. आम्ही ही जबाबदारी खूप गांभीर्याने घेतो. आमच्या प्रत्येकाच्या परिस्थितीप्रमाणे आम्ही शक्य होईल तितक्या जास्त प्रमाणात प्रचाराचं काम करतो. कारण हा लोकांच्या जीवन-मरणाचा प्रश्‍न आहे हे आम्हाला माहीत आहे. (१ तीमथ्य ४:१६ वाचा.) या कामासाठी आम्हाला पैसे मिळत नाहीत. कारण बायबलमध्ये सांगितलंय, “तुम्हाला फुकट मिळालंय, तुम्हीही फुकट द्या.” (मत्तय १०:७, ८) सगळेच लोक आमचा संदेश ऐकतात असं नाही. तरीपण आम्ही हे काम करतच राहतो, कारण प्रचार करणं हा आमच्या उपासनेचा एक भाग आहे आणि त्यामुळे यहोवाला आनंद होतो.
आणखी जाणून घेऊ या
जगभरात प्रचार करण्यासाठी आम्ही यहोवाचे साक्षीदार कशी मेहनत घेत आहोत आणि यहोवा आम्हाला कशी मदत करतो याबद्दल जास्त जाणून घेऊ या.
जगभरातलं प्रचाराचं काम: (१) कोस्टारिका, (२) अमेरिका, (३) बेनिन, (४) थायलंड, (५) याप बेट, (६) स्वीडन
४. सर्व लोकांपर्यंत पोहोचण्यासाठी आम्ही मेहनत घेतो
जगातल्या सगळ्या भागांत राहणाऱ्‍या लोकांपर्यंत आनंदाचा संदेश पोहोचवण्यासाठी यहोवाचे साक्षीदार खूप प्रयत्न करतात. व्हिडिओ पाहा, आणि मग खाली दिलेल्या प्रश्‍नावर चर्चा करा.
यहोवाचे साक्षीदार प्रचार कामासाठी जी मेहनत घेतात त्यात तुम्हाला कोणती गोष्ट विशेष वाटते?
मत्तय २२:३९ आणि रोमकर १०:१३-१५ वाचा, आणि मग या प्रश्‍नांवर चर्चा करा:
आम्ही जे प्रचाराचं काम करतो त्यावरून आमचं लोकांवर प्रेम आहे हे कसं दिसून येतं?
जे आनंदाच्या संदेशाचा प्रचार करतात त्यांच्याबद्दल यहोवाला कसं वाटतं?—१५ वं वचन पाहा.
५. आम्ही देवाचे सहकारी आहोत
यहोवा आमच्या प्रचाराच्या कामाचं मार्गदर्शन करत आहे. कितीतरी अनुभवांमधून ही गोष्ट दिसून आली आहे. उदाहरणार्थ, न्यूझीलंड या देशात पॉल नावाचा एक भाऊ दुपारच्या वेळी घरोघरी प्रचार करत होता. तेव्हा त्याला एक स्त्री भेटली. त्याच दिवशी सकाळी, त्या स्त्रीने यहोवाचं नाव घेऊन त्याला प्रार्थना केली होती, की कोणीतरी तिच्या घरी येऊन तिला देवाबद्दल सांगावं. पॉल म्हणतो, “याच्या फक्‍त तीन तासांनंतर, मी तिच्या दारावर उभा होतो.”
१ करिंथकर ३:९ वाचा, आणि मग या प्रश्‍नावर चर्चा करा:
न्यूझीलंडच्या आणि इतरही अनुभवांवरून कसं दिसून येतं, की यहोवा आज प्रचार कामाचं मार्गदर्शन करत आहे?
प्रेषितांची कार्यं १:८ वाचा, आणि मग या प्रश्‍नावर चर्चा करा:
प्रचाराचं काम पूर्ण करण्यासाठी यहोवाच्या मदतीची गरज का आहे?
तुम्हाला माहीत होतं का?
आठवड्यादरम्यान होणाऱ्‍या आमच्या सभेत, प्रचार कसा करायचा हे शिकवलं जातं. तुम्ही जर या सभांना गेला असाल, तर तिथे शिकवलेल्या गोष्टी तुम्हाला कशा वाटल्या?
६. देवाने आज्ञा दिली असल्यामुळे आम्ही प्रचार करतो
पहिल्या शतकात विरोधकांनी येशूच्या अनुयायांना प्रचार करण्यापासून रोखायचा प्रयत्न केला. पण सुरुवातीचे ते ख्रिस्ती, प्रचार करायच्या आपल्या हक्कासाठी लढले आणि त्यांनी ‘आनंदाच्या संदेशाला कायदेशीर मान्यता’ मिळवून दिली. (फिलिप्पैकर १:७) आज यहोवाचे साक्षीदारपण तेच करतात.a
प्रेषितांची कार्यं ५:२७-४२ वाचा, आणि मग या प्रश्‍नावर चर्चा करा:
साक्षीदार कधीही प्रचार करण्याचं का थांबवणार नाहीत?—२९, ३८ आणि ३९ ही वचनं पाहा.
कदाचित कोणी विचारेल: “यहोवाचे साक्षीदार घरोघरी का जातात?”
तुम्ही काय उत्तर द्‌याल?
थोडक्यात
येशूने आपल्या अनुयायांना सर्व राष्ट्रांच्या लोकांना जाऊन आनंदाचा संदेश सांगायची आज्ञा दिली होती. हे काम करण्यासाठी आज यहोवा आपल्या लोकांना मदत करत आहे.
उजळणी
आनंदाच्या संदेशाचा प्रचार जगभरात कशा प्रकारे केला जात आहे?
आमचं लोकांवर प्रेम आहे हे प्रचाराच्या कामातून कसं दिसून येतं?
प्रचाराचं काम केल्यामुळे समाधान मिळतं असं तुम्हाला वाटतं का? आणि तुम्हाला असं का वाटतं?
हेसुद्धा पाहा
मोठमोठ्या शहरांमध्ये यहोवाचे साक्षीदार प्रचार कसा करतात ते पाहा.
यहोवाच्या साक्षीदारांनी शरणार्थींना प्रचार करण्यासाठी कोणते प्रयत्न केले आहेत?
पूर्ण वेळेच्या सेवेमुळे किती समाधान मिळतं हे जाणून घ्या.
काही महत्त्वाच्या खटल्यांमध्ये मिळालेल्या विजयामुळे प्रचाराचं काम कसं वाढलं ते जाणून घ्या.
“राज के प्रचारक अदालत का दरवाज़ा खटखटाते हैं” (परमेश्‍वर का राज हुकूमत कर रहा हैं!, अध्याय १३)
a प्रचाराचं काम करण्याची आज्ञा देवाने दिली आहे. म्हणून, यहोवाच्या साक्षीदारांना आनंदाचा संदेश इतरांना सांगण्यासाठी मानवी अधिकाऱ्‍यांच्या परवानगीची गरज नाही.
-
-
बाप्तिस्मा—एक महत्त्वाचं ध्येय!कायम जीवनाचा आनंद घ्या!—देवाकडून शिकू या
-
-
धडा २३
बाप्तिस्मा—एक महत्त्वाचं ध्येय!
येशूने शिकवलं की त्याच्या अनुयायांनी बाप्तिस्मा घेणं गरजेचं आहे. (मत्तय २८:१९, २० वाचा.) पण बाप्तिस्मा म्हणजे काय? आणि बाप्तिस्मा घेण्याआधी एका व्यक्‍तीने कोणती पावलं उचलली पाहिजेत?
१. बाप्तिस्मा म्हणजे काय?
“बाप्तिस्मा” हा शब्द पाण्याखाली “बुडवणं” या अर्थाच्या ग्रीक शब्दापासून आला आहे. येशूचा बाप्तिस्मा झाला तेव्हा त्याला यार्देन नदीत बुडवण्यात आलं आणि त्यानंतर तो “पाण्यातून वर” आला. (मार्क १:९, १०) त्याच प्रकारे खऱ्‍या ख्रिश्‍चनांचा बाप्तिस्मा होतो तेव्हा त्यांना पाण्यात पूर्णपणे बुडवलं जातं.
२. बाप्तिस्मा घेतल्यामुळे काय दिसून येतं?
बाप्तिस्मा घेऊन एक व्यक्‍ती दाखवते की तिने तिचं जीवन यहोवा देवाला समर्पित केलंय. पण एक व्यक्‍ती आपलं जीवन यहोवाला नेमकं कसं समर्पित करते? बाप्तिस्मा घ्यायच्या काही काळाआधी ती प्रार्थना करून यहोवाला सांगते, की तिला कायम त्याची सेवा करायची आहे. ती यहोवाला वचन देते, की ती फक्‍त त्याचीच उपासना करेल आणि जीवनात त्याच्या इच्छेला पहिलं स्थान देईल. ती ‘स्वतःला नाकारून’ येशूच्या शिकवणी आणि उदाहरणाप्रमाणे ‘चालत राहायचा’ निर्णय घेते. (मत्तय १६:२४) त्या व्यक्‍तीने समर्पण करून बाप्तिस्मा घेतल्यामुळे तिला यहोवासोबत आणि त्याच्या उपासकांसोबत जवळची मैत्री जोडता येते.
३. बाप्तिस्मा घेण्याआधी एका व्यक्‍तीने कोणती पावलं उचलली पाहिजेत?
बाप्तिस्मा घेण्यासाठी यहोवाबद्दल शिकणं आणि त्याच्यावर असलेला विश्‍वास वाढवणं खूप महत्त्वाचंय. (इब्री लोकांना ११:६ वाचा.) तुमचं ज्ञान आणि विश्‍वास जसजसा वाढतो, तसतसं यहोवावर असलेलं तुमचं प्रेमही वाढत जातं. यामुळे त्याच्याबद्दल दुसऱ्‍यांना सांगायची आणि त्याला आवडेल अशा प्रकारे वागायची इच्छा तुमच्या मनात निर्माण होते. (२ तीमथ्य ४:२; १ योहान ५:३) अशा रितीने एक व्यक्‍ती “यहोवाच्या सेवकांना शोभेल असं वागून त्याला पूर्णपणे संतुष्ट” करू लागते. त्यानंतर, ती आपलं जीवन देवाला समर्पित करून बाप्तिस्मा घ्यायचा निर्णय घेऊ शकते.—कलस्सैकर १:९, १०.a
आणखी जाणून घेऊ या
येशूच्या बाप्तिस्म्यावरून आपण काय शिकतो आणि बाप्तिस्मा घेण्याआधी काय करणं गरजेचं आहे हे पाहू या.
४. येशूच्या बाप्तिस्म्यावरून शिकण्यासारख्या गोष्टी
येशूच्या बाप्तिस्म्याबद्दल आणखी माहिती घेण्यासाठी मत्तय ३:१३-१७ वाचा. त्यानंतर या प्रश्‍नांवर चर्चा करा:
येशूचा बाप्तिस्मा झाला तेव्हा तो बाळ होता का?
त्याचा बाप्तिस्मा फक्‍त डोक्यावर पाणी शिंपडून झाला का?
देवाने येशूला ज्यासाठी या पृथ्वीवर पाठवलं होतं, ते महत्त्वाचं काम त्याने बाप्तिस्म्यानंतर सुरू केलं. लूक ३:२१-२३ आणि योहान ६:३८ वाचा, आणि मग या प्रश्‍नावर चर्चा करा:
बाप्तिस्म्यानंतर येशूने कोणत्या गोष्टीला आपल्या जीवनात पहिलं स्थान दिलं?
५. बाप्तिस्म्याच्या ध्येयापर्यंत पोहोचणं शक्य आहे
समर्पण करून बाप्तिस्मा घ्यायच्या विचाराने कदाचित सुरुवातीला तुम्हाला थोडी भीती वाटेल. पण त्या ध्येयापर्यंत पोहोचण्यासाठी हळूहळू प्रगती करायचा प्रयत्न करा. असं केल्यामुळे काही काळानंतर हे महत्त्वाचं पाऊल उचलायला तुम्हाला भीती वाटणार नाही. काही लोकांनी हे कशा प्रकारे केलं हे जाणून घेण्यासाठी व्हिडिओ पाहा.
योहान १७:३ आणि याकोब १:५ वाचा, आणि मग या प्रश्‍नावर चर्चा करा:
बाप्तिस्म्यापर्यंत प्रगती करण्यासाठी तुम्हाला कशामुळे मदत होईल?
१. समर्पण करताना आपण यहोवाला प्रार्थनेत सांगतो की आपल्याला कायम त्याची सेवा करायची आहे
२. बाप्तिस्मा घेऊन आपण इतरांना दाखवतो की आपण देवाला समर्पण केलं आहे
६. बाप्तिस्मा घेणं म्हणजे यहोवाच्या कुटुंबाचा भाग बनणं
जेव्हा आपण बाप्तिस्मा घेतो, तेव्हा आपण जगभरात असलेल्या एका प्रेमळ कुटुंबाचा भाग बनतो. यहोवाचे साक्षीदार कुठल्याही देशाचे किंवा संस्कृतीचे असले, तरी ते सारख्याच शिकवणी मानतात आणि बायबलच्या तत्त्वांप्रमाणे जगायचा प्रयत्न करतात. स्तोत्र २५:१४ आणि १ पेत्र २:१७ वाचा, आणि मग या प्रश्‍नावर चर्चा करा:
बाप्तिस्मा घेतल्यामुळे एक व्यक्‍ती यहोवाच्या आणि त्याच्या लोकांच्या आणखी जवळ कशी येते?
काही जण म्हणतात: “मी अजून बाप्तिस्मा घेण्यासाठी तयार नाहीए.”
कदाचित तुम्हालाही असंच वाटत असेल. पण तरी बाप्तिस्मा घेण्यासाठी प्रयत्न करत राहणं चांगलं आहे, असं तुम्हाला वाटतं का?
थोडक्यात
येशूने शिकवलं की त्याच्या अनुयायांनी बाप्तिस्मा घेणं गरजेचं आहे. बाप्तिस्म्याच्या ध्येयापर्यंत पोहोचण्यासाठी एका व्यक्‍तीने यहोवावर असलेला विश्‍वास मजबूत केला पाहिजे, त्याच्या तत्त्वांप्रमाणे जगलं पाहिजे आणि स्वतःचं जीवन त्याला समर्पित केलं पाहिजे.
उजळणी
बाप्तिस्मा म्हणजे काय आणि तो घेणं महत्त्वाचं का आहे?
समर्पण म्हणजे काय? आणि ते कधी केलं जातं?
समर्पण करून बाप्तिस्मा घेण्याआधी एका व्यक्‍तीने कायकाय केलं पाहिजे?
हेसुद्धा पाहा
बाप्तिस्म्याचा नेमका अर्थ आणि त्याबद्दलचे काही गैरसमज जाणून घ्या.
बाप्तिस्म्यापर्यंत प्रगती कशी करता येईल ते जाणून घ्या.
“यहोवावरचं प्रेम आपल्याला बाप्तिस्मा घ्यायला प्रेरित करतं” (टेहळणी बुरूज, मार्च २०२०)
एका व्यक्‍तीला बाप्तिस्मा घ्यायची प्रेरणा कशामुळे मिळाली ते जाणून घ्या.
“मी सत्याची स्वतः खातरी करावी असं त्यांना वाटायचं” (ऑनलाईन लेख)
बाप्तिस्म्याचं ध्येय महत्त्वाचं का आहे आणि त्यासाठी तुम्ही प्रगती कशी करू शकता हे जाणून घ्या.
“मी बाप्तिस्मा घ्यावा का?” (ऑनलाईन लेख)
a एखाद्या व्यक्‍तीने आधीच चर्चमध्ये बाप्तिस्मा घेतला असेल, तरी तिला पुन्हा बाप्तिस्मा घ्यावा लागेल का? हो, कारण तेव्हा तिला बायबलमधून सत्य शिकवण्यात आलं नव्हतं.—प्रेषितांची कार्यं १९:१-५ आणि धडा १३ पाहा.
-