येशू बहुधा दोन वर्षांचा असताना मिसर देशातून योसेफ व मरीयेने त्याला इथे आणले आहे. तोपर्यंत तो मरीयेचा एकुलता एक मुलगा आहे. परंतु फार काळपर्यंत नव्हे. कालांतराने याकोब, योसेफ, शिमोन व यहूदा यांचा जन्म होतो व योसेफ व मरीयेला मुलीही होतात. होता होता येशूला कमीत कमी सहा लहान भाऊ-बहिणी आहेत.

आपल्या वाढत्या कुटुंबाच्या निर्वाहासाठी योसेफला खूप काम करावे लागते. तो एक सुतार आहे. योसेफ येशूला आपल्या मुलाप्रमाणे वाढवतो. यासाठीच, येशूला “सुताराचा पुत्र” म्हटले जाते. योसेफ येशूलाही सुतारकाम शिकवतो व तो ते चांगले शिकतो. यामुळेच कालांतराने लोक येशूबद्दल “हाच तो सुतार” असे म्हणतात.