वॉचटावर ऑनलाइन लायब्ररी

‘आम्ही देवाला शासक मानून त्याची आज्ञा पाळली पाहिजे’

देवाच्या राज्याबद्दल “अगदी पूर्णपणे साक्ष” द्या
- प्रेषितांप्रमाणेच आपणही “घरोघरी जाऊन” प्रचार करतो
  
  १६. प्रेषितांना अगदी पूर्णपणे साक्ष द्यायची होती हे त्यांनी कसं दाखवलं, आणि प्रचारकार्याच्या त्यांच्या या पद्धतीचं आपण कसं अनुकरण करतो?
  
  ^१६ थोडाही वेळ न घालवता प्रेषितांनी पुन्हा आपलं प्रचारकार्य सुरू केलं. त्यांनी धाडसाने, “दररोज मंदिरात आणि घरोघरी जाऊन” ख्रिस्ताबद्दलचा आनंदाचा संदेश सांगण्याचं काम चालू ठेवलं.e (प्रे. कार्यं ५:४२) या आवेशी प्रचारकांनी पूर्णपणे साक्ष देण्याचा निश्‍चय केला होता. येशूने सांगितल्याप्रमाणे, त्यांनी लोकांच्या घरोघरी जाऊन त्यांचा संदेश सांगितला. (मत्त. १०:७, ११-१४) म्हणूनच तर ते संपूर्ण यरुशलेम त्यांच्या शिक्षणाने भरून टाकू शकले. आज यहोवाचे साक्षीदारही प्रेषितांच्या प्रचारकार्याच्या त्याच पद्धतीचं अनुकरण करतात. आपल्या क्षेत्रातल्या प्रत्येक घरी भेट देऊन आपण हे दाखवतो की आपल्याला पूर्णपणे साक्ष देण्याची इच्छा आहे. तसंच प्रत्येकाला आनंदाचा संदेश ऐकता यावा असं आपल्याला वाटतं. यहोवाने या घरोघरच्या प्रचारकार्यावर आशीर्वाद दिला आहे का? नक्कीच! आज या शेवटच्या काळात लाखो लोकांनी राज्याचा संदेश स्वीकारला आहे. अनेकांनी, यहोवाचे साक्षीदार घरी आले तेव्हाच हा आनंदाचा संदेश पहिल्यांदा ऐकला.
  
  “घरोघरी जाऊन” प्रचार करणं
  
  न्यायसभेने शिष्यांच्या प्रचारकार्यावर बंदी घातली, तरीसुद्धा ते “दररोज मंदिरात आणि घरोघरी जाऊन”  प्रचाराचं आणि शिकवण्याचं काम करतच राहिले. (प्रे. कार्यं ५:४२) पण, “घरोघरी जाऊन” याचा नेमका अर्थ काय?
  
  मूळ ग्रीक भाषेत कॅटीकॉन  याचा शब्दशः अर्थ “घराप्रमाणे” असा होतो. बरेच भाषांतरकार असं म्हणतात की या वचनात जो कॅटा  हा शब्द वापरला आहे त्यावरून असं कळतं, की शिष्यांनी एकेका घरी जाऊन प्रचार केला. लूक ८:१ इथेही कॅटा या शब्दाचा जवळजवळ अशाच अर्थाने वापर केल्याचं आढळतं. तिथे येशूने “गावोगावी आणि शहरोशहरी जाऊन” प्रचार केला असं सांगितलं आहे.
  
  प्रेषितांची कार्यं २०:२० यात या शब्दाचं कॅटीकूस  हे अनेकवचन वापरलं आहे. तिथे प्रेषित पौलने ख्रिस्ती मंडळीत देखरेख करणाऱ्‍यांना असं म्हटलं: “सार्वजनिक रीत्या आणि घरोघरी शिकवण्यापासून मी माघार घेतली नाही.” काही लोक म्हणतात त्याप्रमाणे, पौल इथे फक्‍त ख्रिस्ती मंडळीतल्या वडिलांच्या घरी जाऊन शिकवण्याच्या बाबतीत बोलत नव्हता. कारण पुढच्याच वचनात असं म्हटलं आहे: “पण पश्‍चात्ताप करून देवाकडे वळण्याबद्दल आणि आपल्या प्रभू येशूवर विश्‍वास ठेवण्याबद्दल मी यहुदी आणि ग्रीक लोकांनासुद्धा अगदी पूर्णपणे साक्ष दिली.” (प्रे. कार्यं २०:२१) ख्रिस्ती बांधवांनी तर आधीच पश्‍चात्ताप करून येशूवर विश्‍वास ठेवला होता. त्यामुळे साहजिकच, घरोघरी जाऊन प्रचार करणं आणि शिकवणं हे विश्‍वासात नसलेल्यांना साक्ष देण्याच्या बाबतीत म्हटलं होतं.

‘आम्ही देवाला शासक मानून त्याची आज्ञा पाळली पाहिजे’

देवाच्या राज्याबद्दल “अगदी पूर्णपणे साक्ष” द्या
- मूळ ग्रीक भाषेत कॅटीकॉन  याचा शब्दशः अर्थ “घराप्रमाणे” असा होतो. बरेच भाषांतरकार असं म्हणतात की या वचनात जो कॅटा  हा शब्द वापरला आहे त्यावरून असं कळतं, की शिष्यांनी एकेका घरी जाऊन प्रचार केला. लूक ८:१ इथेही कॅटा या शब्दाचा जवळजवळ अशाच अर्थाने वापर केल्याचं आढळतं. तिथे येशूने “गावोगावी आणि शहरोशहरी जाऊन” प्रचार केला असं सांगितलं आहे.
  
  प्रेषितांची कार्यं २०:२० यात या शब्दाचं कॅटीकूस  हे अनेकवचन वापरलं आहे. तिथे प्रेषित पौलने ख्रिस्ती मंडळीत देखरेख करणाऱ्‍यांना असं म्हटलं: “सार्वजनिक रीत्या आणि घरोघरी शिकवण्यापासून मी माघार घेतली नाही.” काही लोक म्हणतात त्याप्रमाणे, पौल इथे फक्‍त ख्रिस्ती मंडळीतल्या वडिलांच्या घरी जाऊन शिकवण्याच्या बाबतीत बोलत नव्हता. कारण पुढच्याच वचनात असं म्हटलं आहे: “पण पश्‍चात्ताप करून देवाकडे वळण्याबद्दल आणि आपल्या प्रभू येशूवर विश्‍वास ठेवण्याबद्दल मी यहुदी आणि ग्रीक लोकांनासुद्धा अगदी पूर्णपणे साक्ष दिली.” (प्रे. कार्यं २०:२१) ख्रिस्ती बांधवांनी तर आधीच पश्‍चात्ताप करून येशूवर विश्‍वास ठेवला होता. त्यामुळे साहजिकच, घरोघरी जाऊन प्रचार करणं आणि शिकवणं हे विश्‍वासात नसलेल्यांना साक्ष देण्याच्या बाबतीत म्हटलं होतं.