Salm

132 Ġeħova, ftakar f’David,

U fit-tbatija kollha tiegħu;

 2 Hu ħalef lilek, Ġeħova;

Hu għamel din il-wegħda miegħek, l-Alla b’Saħħtu taʼ Ġakobb:

Mhux se norqod fuq is-sodda tiegħi;

 4 Jien mhux se norqod

U lanqas nagħlaq għajnejja

 5 Sakemm insib post għal Ġeħova,

Post mill-isbaħ* għall-Alla b’Saħħtu taʼ Ġakobb.”

 6 Aħna smajna dwaru f’Efrata;

Sibnieh fil-foresta.

 7 Ejja mmorru fil-post fejn joqgħod;*

Ejja mmilu ħdejn il-banketta għal saqajh.

 8 Ġeħova, ejja u idħol fil-post taʼ mistrieħ tiegħek,

Int u l-Arka li turi s-saħħa tiegħek.

10 Minħabba dak li wegħedt lil David il-qaddej tiegħek,

Twarrabx il-magħżul tiegħek.*

11 Ġeħova, int ħlift lil David;

Int żgur mhux se tmur lura minn dan il-kliem li għedt:

“Jien se nqiegħed fuq it-tron tiegħek

Wieħed mid-dixxendenti tiegħek.

12 Jekk it-tfal tiegħek iżommu l-patt tiegħi

U t-tfakkiriet li tajthom,*

Anki t-tfal tagħhom

Joqogħdu fuq it-tron tiegħek għal dejjem.”

13 Għax int, Ġeħova, għażilt lil Sijon;

Int xtaqtha bħala post fejn tgħix u għedt:

14 “Dan hu l-post taʼ mistrieħ għalija għal dejjem;

Hawnhekk se ngħix, għax hekk nixtieq.

15 Jien se nbierek bil-kbir din il-belt bl-ikel;

Se nxebbaʼ lill-foqra tagħha bil-ħobż.

16 Jien se nsalva lill-qassisin,*

U l-leali tiegħi se jgħajtu bil-ferħ.

18 Jien se nġiegħel lill-għedewwa tiegħu jistħu,

Imma l-kuruna* tiegħu se tleqq.”