Salm

Għanja.

98 Kantaw lil Ġeħova għanja ġdida,

Għax hu għamel affarijiet tal-għaġeb.

Idu l-leminija, idu l-qaddisa, salvatna.

2 Ġeħova wera l-mod taʼ kif isalva;

Wera l-ġustizzja tiegħu quddiem il-popli.

3 Hu ftakar fil-wegħda li għamel biex juri mħabba* u lealtà maʼ dar Iżrael.

In-nies tal-art kollha raw kif l-Alla tagħna salvana.

4 Għajtu bil-ferħ u faħħru lil Ġeħova, nies tal-art kollha.

Ifirħu, għajtu bil-ferħ, u faħħruh bil-kant.*

5 Faħħru lil* Ġeħova bl-arpa u l-kant.

6 Għajtu bil-ferħ quddiem ir-Re, Ġeħova,

Waqt li ddoqqu t-trumbetti u l-qarn.

7 Ħa jfaħħar lil Alla l-baħar u kulma fih,

L-art* u dawk kollha li jgħixu fiha.

8 Ħa jċapċpu x-xmajjar;

Ħa jgħajtu bil-ferħ il-muntanji kollha

9 Quddiem Ġeħova, għax hu ġej* biex jiġġudika l-art.

Hu se jiġġudika n-nies tal-art bil-ġustizzja

U lill-popli mingħajr preferenzi.