Għala Jiġru Affarijiet Ħżiena, u n-​Nies Għala Jbatu?

Meta tiġri xi ħaġa ħażina, hu normali li ssaqsi: “Għala ġrat?” Aħna nieħdu pjaċir li l-​Bibbja twieġeb dil-​mistoqsija.

1. Satana x’għamel biex bdew jiġru affarijiet ħżiena?

Satana x-​Xitan ħadha kontra Alla. Satana ried imexxi lil oħrajn. Allura influwenza l-​ewwel koppja, Adam u Eva, biex huma wkoll jiħduha kontra Alla. Satana għamel dan billi gideb lil Eva. (Ġenesi 3:​1-​5) Hu ġegħelha taħseb li Ġeħova ma riedx itiha xi ħaġa li kienet tajba. U li n-​nies kienu se jkunu iżjed ferħanin jekk ma jobdux lil Alla. Satana qal l-​ewwel gidba meta qal lil Eva li mhux se tmut. Għalhekk il-​Bibbja tgħid li Satana “hu giddieb u missier il-​gidba.”​—Ġwanni 8:44.

2. Adam u Eva x’għażlu li jagħmlu?

Ġeħova kien qalbu tajba maʼ Adam u Eva. Hu qalilhom li setgħu jieklu mis-​siġar kollha fil-​ġnien tal-​Għeden, barra waħda. (Ġenesi 2:​15-​17) Imma huma xorta ddeċidew li jieklu mill-​frott taʼ din is-​siġra. Eva “ħadet mill-​frott u kilitu.” Wara “beda jieklu” Adam. (Ġenesi 3:6) It-​tnejn li huma m’obdewx lil Alla. Adam u Eva kienu perfetti, allura kien faċli għalihom biex jagħmlu dak li hu tajjeb. Imma huma ddeċidew li ma jobdux lil Alla. Meta għamlu hekk, dinbu u rrifjutaw li Alla jgħidilhom x’inhu tajjeb u ħażin. Dik id-​deċiżjoni ġabitilhom ħafna tbatija.​—Ġenesi 3:​16-​19.

3. Kif teffettwana d-​deċiżjoni t’Adam u Eva?

Meta Adam u Eva dinbu, saru imperfetti. Minħabba f’hekk, it-​tfal kollha tagħhom twieldu imperfetti wkoll. Dwar Adam, il-​Bibbja tgħid: “Permezz taʼ bniedem wieħed id-​dnub daħal fid-​dinja, u permezz tad-​dnub il-​mewt, u b’hekk il-​mewt infirxet fuq il-​bnedmin kollha.”​—Rumani 5:12.

Hemm ħafna raġunijiet għala nbatu. Ġieli nbatu għax nieħdu deċiżjonijiet ħżiena. Ġieli nbatu għax oħrajn jieħdu deċiżjonijiet ħżiena. Jew ġieli nbatu minħabba affarijiet li ma nistennewx li se jiġru.​—Aqra Ekkleżjasti 9:11.

TGĦALLEM IŻJED

4. Min hu responsabbli għat-​tbatija tagħna?

Ħafna nies jemmnu li Alla qed imexxi d-​dinja. Imma veru? Ara l-​VIDJOW.

VIDJOW: Min Jikkontrolla d-​Dinja? (1:​24)

Aqra Ġakbu 1:13 u l-​1 Ġwanni 5:​19, u mbagħad iddiskuti:

• It-​tort t’Alla li hawn it-​tbatija u l-​ħażen?

5. Ara x’ġara kemm ilu jmexxi Satana

VIDJOW: Alla għala jippermetti t-​tbatija?​—Parti mill-​Vidjow (3:​07)

Aqra Ġenesi 3:​1-​6, u mbagħad iddiskuti:

• X’gidba qal Satana?​—Ara versi 4 u 5.

• Satana x’qal lil Eva biex iġegħelha taħseb li Ġeħova qed iżomm xi ħaġa tajba min-​nies?

• Skont Satana, bilfors li Ġeħova jrid imexxi lin-​nies biex ikunu ferħanin?

Aqra Ekkleżjasti 8:​9, u mbagħad iddiskuti:

• X’ġara kemm ilu ma jmexxix id-​dinja Ġeħova?

1. Adam u Eva kienu perfetti u kienu jgħixu fil-​ġnien tal-​Għeden. Imma huma semgħu minn Satana u ħaduha kontra Ġeħova

2. Wara li m’obdewx lil Ġeħova, id-​dinja mtliet bid-​dnub, it-​tbatija u l-​mewt

3. Ġeħova se jneħħi d-​dnub, it-​tbatija u l-​mewt. Imbagħad in-​nies se jerġgħu jkunu perfetti u jgħixu f’ġenna fuq l-​art

6. Ġeħova jimpurtah meta nbatu

Alla jimpurtah meta nbatu? Ara x’kitbu s-​Sultan David u l-​appostlu Pietru. Aqra Salm 31:7 u l-​1 Pietru 5:​7, u mbagħad iddiskuti:

• Kif tħossok li taf li Ġeħova jarana nbatu u jimpurtah minna?

XI DDISKUTEJNA?

Satana x-​Xitan u l-​ewwel koppja huma l-​iżjed responsabbli għall-​ħażen li hawn fid-​dinja. Ġeħova jimpurtah ħafna mit-​tbatija tagħna u daqt se jneħħiha.

X’Tgħallimt

• Satana x-​Xitan x’gidba qal lil Eva?

• Aħna kif qed niġu effettwati minn dak li għamlu Adam u Eva?

• Kif nafu li Ġeħova jimpurtah minna meta nbatu?

ARA IŻJED

Tgħallem xi jfisser id-​dnub skont il-​Bibbja.

“X’inhu d-​dnub?” (Artiklu fuq jw.org)

Aqra iżjed dwar il-​kwistjoni li qajjem Satana x-​Xitan fil-​ġnien tal-​Għeden.

“Alla għala jippermetti t-​tbatija?” (It-​Torri tal-​Għassa, 1 taʼ Jannar 2014)

Ara xi tweġibiet għal mistoqsija diffiċli.

“Għala Seħħ l-​Olokawst? Alla Għala Ma Waqqfux?” (Artiklu fuq jw.org)

Sir af xi nduna raġel mit-​tbatija li ra madwaru.

M’Għadnix Waħdi (5:​09)