Ċertifikat t’Eċċellenza

DAN huwa dak li tagħti l-​Assoċjazzjoni tal-​Ġurnalisti mill-​Kongo u l-​Afrika għall-​Iżvilupp (AJOCAD) fir-​Repubblika Demokratika tal-​Kongo sabiex “tippremja lil individwi jew għaqdiet soċjali għas-​sehem speċjali li jagħtu sabiex jgħinu fl-​iżvilupp [tal-Kongo].”

Fis-17 taʼ Novembru, 2000, iċ-​Ċertifikat t’Eċċellenza ġie preżentat lix-​Xhieda taʼ Jehovah għas-​“sehem li jagħtu sabiex jgħinu lin-​nies tal-​Kongo jiżviluppaw [permezz] taʼ l-​edukazzjoni u t-​tagħlim fil-​pubblikazzjonijiet tagħhom.”

Meta kkummentat fuq dan il-​premju, il-​gazzetta Le Phare taʼ Kinxasa rrapportat: “Huwa diffiċli biex issib persuna waħda fil-​Kongo li xi darba jew oħra m’għaddewx minn idejha r-​rivisti t-​Torri taʼ l-​Għassa u Stenbaħ! jew pubblikazzjonijiet oħra maħruġin mix-​Xhieda taʼ Jehovah. Dawn ir-​rivisti [jitkellmu] fuq l-​aspetti kollha tal-​ħajja.” L-​artiklu semma wkoll li l-​pubblikazzjonijiet juru “kif tistaʼ tkampa mal-​problemi taʼ llum” u juru “x’inhi l-​vera tifsira wara l-​affarijiet li qed jiġru bħalissa.” Kull ħarġa taʼ Stenbaħ! “tibqaʼ newtrali fejn għandha x’taqsam il-​politika u ma tagħtix importanza lil xi razza iktar minn oħra.” Barra minn hekk, il-​pubblikazzjonijiet jibnu l-​“fiduċja fil-​wegħda tal-​Ħallieq li dalwaqt se jġib dinja kollha paċi u sigurtà biex tieħu post din is-​sistema t’affarijiet ħażina u bla liġi.”

Bħalma nnotat l-​AJOCAD, il-​pubblikazzjonijiet tax-​Xhieda taʼ Jehovah taw prova li huma taʼ benefiċċju għall-​parti l-​kbira mill-​popolazzjoni tal-​Kongo. Peress li huma disponibbli f’mijiet taʼ lingwi, anki int tistaʼ tibbenefika mill-​messaġġ taʼ tama li jagħtu.

Jekk jogħġbok iċċekkja hawn taħt biex tara kif tistaʼ tagħmel dan.