Int Xhud Full-Time?
1 Twieġeb iva għal din il-mistoqsija? Għalkemm mhux il-qaddejja dedikati kollha taʼ Jehovah jistgħu jidħlu fil-ministeru full-time, m’huwiex raġonevoli li nistennew li lkoll kemm aħna għandna nqisu lilna nfusna bħala x-Xhieda full-time tiegħu? Dażgur li għandna.
2 Kristjan part-time ma jeżistix. Ġesù qal dwar Missieru: “Jiena dejjem nagħmel dak li jogħġob lilu.” (Ġwann 8:29) Pawlu, li kien jaħsibha l-istess, ħeġġiġna biex ‘nagħmlu kollox għall-glorja taʼ Alla.’ (1 Kor. 10:31) Għalhekk, mela, ilkoll kemm aħna għandna nqisu lilna nfusna bħala Xhieda taʼ Jehovah full-time. Billi nħarsu lejna nfusna b’dan il-mod se niġu influwenzati għat-tajjeb f’kull attività li nagħmlu.
3 Ikkunsidra L-Evidenza: Id-dehra, il-kliem, u l-kondotta tagħna jistgħu jindikaw lil nies oħrajn li aħna verament ix-Xhieda taʼ Jehovah. Aħna konxji tal-bżonn li nilbsu modest, li ngħidu kliem edifikanti, u li nġibu ruħna kif jixraq kulmeta nkunu qegħdin nieħdu sehem fis-servizz taʼ l-għalqa jew nattendu l-laqgħat Kristjani. Madankollu, kemm jekk aħna sejrin l-iskola, u kemm jekk għandna xogħol sekulari, jew qed nipparteċipaw f’xi rikreazzjoni, kull ħaġa dwarna għandha tagħti evidenza li qed ngħixu mal-livelli taʼ tjieba taʼ Jehovah.
4 Ġesù qal: “Belt li tkun qiegħda fuq muntanja ma tistax tinħeba. . . . Hekk għandu jiddi d-dawl tagħkom quddiem il-bnedmin, biex jaraw l-għemejjel tajba tagħkom u jagħtu glorja lil Missierkom li hu fis-smewwiet.” (Matt. 5:14-16) Dan għandu jkun minnu f’kull ħaġa li nagħmlu u l-ħin kollu. Jekk qatt xi darba nsibu li qegħdin inżommu lura milli nagħtu xiehda minħabba l-post fejn inkunu jew minħabba dak li nkunu qegħdin nagħmlu, għandna bżonn nistaqsu lilna nfusna, ‘Qiegħed jien naqdi lil Jehovah part-time jew full-time?’ Jalla qatt ma nħallu xi opportunità taħrabilna biex nitkellmu m’oħrajn dwar l-aħbar tajba tas-Saltna t’Alla.
5 Ftakar, aħna nonoraw u nogħġbu ’l Jehovah meta għall-mistoqsija: “Int Xhud full-time?”, inkunu nistgħu nwieġbu b’mod qawwi: “Iva!”