Laqgħat tas-Servizz għal April
Ġimgħa li Tibda 5 t’April
10 min: Avviżi lokali. Avviżi magħżulin minn Il-Ministeru tas-Saltna. Ikkunsidra “Il-Mira Tagħna għal April u Mejju.” Stieden lil dawk kollha li juru interess biex jattendu għat-taħdita pubblika speċjali fit-18 t’April. It-taħdita hija intitolata “Ħbiberija Vera m’Alla u mal-Proxxmu.”
15 min: “Ippriedka l-Aħbar Tajba bil-Ħerqa.” Introduċi l-artiklu f’inqas minn minuta, u segwi b’diskussjoni f’għamla taʼ mistoqsija u tweġiba. Ikkonkludi b’inkuraġġiment ibbażat fuq l-iSchool Guidebook, paġni 191-2, paragrafi 12-13.
20 min: “Kif il-Membri tal-Familja Jikkooperaw għal Sehem Sħiħ—Fil-Ministeru.” Diskussjoni minn grupp taʼ familja. Ikkunsidraw xi raġunijiet għala l-familja għandha tqis is-servizz taʼ l-għalqa bħala rutina regulari taʼ kull ġimgħa li kulħadd jipparteċipa fiha. Irrevedi l-inkuraġġiment mogħti fit-Torri taʼ l-Għassa, taʼ l-1 taʼ Diċembru, 1993, paġna 10, paragrafi 9-12. Stieden lill-ġenituri fl-udjenza biex jgħidu kif huma jorganizzaw b’suċċess l-attività tas-servizz taʼ kull ġimgħa għall-familja tagħhom.
Għanja 67 u talba taʼ l-għeluq.
Ġimgħa li Tibda 12 t’April
10 min: Avviżi lokali. Rapport tal-kontijiet. Irrevedi “Nistgħu Noffru l-Ktieb Creator?”
15 min: Bżonnijiet lokali.
20 min: “Nintensifikaw ix-Xiehda hekk kif Riesaq it-Tmiem.” Mistoqsijiet u tweġibiet. Intervista lil pubblikatur jew tnejn li f’xi żmien qatt ma kienu jimmaġinaw li se jieħdu sehem fix-xogħol taʼ l-ippridkar, imma li issa qegħdin jagħmlu hekk regolarment għax saru japprezzaw il-bżonn urġenti li jxerrdu l-messaġġ tas-Saltna. Skond ma jippermetti l-ħin, inkludi xi esperjenzi qosra min-1997 Yearbook, paġni 42-8, biex turi kif xi pubblikaturi intensifikaw l-isforzi tagħhom biex jagħtu xiehda billi jmorru fejn hemm in-nies.
Għanja 93 u talba taʼ l-għeluq.
Ġimgħa li Tibda 19 t’April
5 min: Avviżi lokali.
10 min: “Għandek Ordni Speċifika tar-Rivisti?” Taħdita, preferibbilment minn anzjan jew qaddej ministerjali li jieħu ħsieb ir-rivisti. Għarraf lill-kongregazzjoni kemm din tirċievi rivisti kull xahar u l-medja tan-numru li jiġu rrapportati li jitqassmu. M’għandniex inħallu r-rivisti fuq l-ixkaffa. Offri suġġerimenti li juru kif jistgħu jitqassmu kopji iktar antiki.—Ara l-Our Kingdom Ministry taʼ Lulju 1993, paġna 1.
30 min: “Ix-Xogħol taʼ Pijunier—Użu Għaqli tal-Ħin Tagħna!” Mistoqsijiet u tweġibiet. Qabbad tliet individwi differenti jirrakkontaw l-esperjenzi ppreżentati f’paragrafi 5-7. Ikkonkludi billi tistieden lil dawk kollha li jistgħu biex jikkunsidraw li japplikaw għas-servizz taʼ pijunier awżiljarju jew regulari. L-applikazzjonijiet huma disponibbli minn kwalunkwe membru tal-Kumitat tas-Servizz tal-Kongregazzjoni. Semmi li m’huwiex tard wisq li wieħed jimla applikazzjoni biex jagħmel ix-xogħol taʼ pijunier awżiljarju f’Mejju.
Għanja 165 u talba taʼ l-għeluq.
Ġimgħa li Tibda 26 t’April
10 min: Avviżi lokali. Fakkar lil kulħadd biex jitfaʼ r-rapport tas-servizz taʼ l-għalqa għal April. Ħabbar l-ismijiet taʼ dawk li se jagħmlu x-xogħol taʼ pijunier awżiljarju f’Mejju u inkuraġġixxi lil oħrajn biex japplikaw. Agħti xi suġġerimenti li huma t’għajnuna għall-preżentazzjoni tar-rivisti kurrenti.—Ara Il-Ministeru tas-Saltna t’Ottubru 1996, paġna 8.
17 min: “X’Għandi Nagħmel?” Wara reviżjoni qasira taʼ l-artiklu maʼ l-udjenza, osserva lil adolexxent jitkellem mal-ġenitur tiegħu dwar pjanijiet għall-futur wara li jiggradwa mill-iskola sekondarja. Huma jirrevedu flimkien Il-Ministeru tas-Saltna taʼ Lulju 1998, paġna 4. Il-ġenitur jagħti parir fi qbil maʼ l-inkuraġġiment ipprovdut f’It-Torri taʼ l-Għassa taʼ l-1 taʼ Frar, 1996, paġna 21 u taʼ l-1 taʼ Diċembru 1996, paġni 29-31. Issa li l-ħtiġijiet tas-sigħat għall-pijunieri tnaqqsu, l-adolexxent jikkunsidra l-possibbiltà li jagħmel ix-xogħol taʼ pijunier waqt li jlesti l-edukazzjoni sekulari.
18 min: Intervista lil xi Pijunieri Awżiljarji. L-indokratur tas-servizz jintervista lil xi pubblikaturi li qed jagħmlu x-xogħol taʼ pijunier awżiljarju dan ix-xahar kif ukoll lil oħrajn li għamluh fil-passat. Stedinhom jirrakkontaw xi wħud mill-barkiet li gawdew, dak li wettqu, u għala jħarsu ’l quddiem lejn li jerġgħu jagħmlu x-xogħol taʼ pijunier awżiljarju għallinqas xahar jew tnejn kull sena.
Għanja 69 u talba taʼ l-għeluq.