Programm Ġdid għall-​Assemblea tas-​Circuit

Liema benefiċċji prattiċi tirċievi int issa billi timxi maʼ Jehovah? Kif tistaʼ tirreżisti t-​tentazzjoni li tħalli miri mhux teokratiċi jeliminaw l-​interessi tas-​Saltna mill-​ewwel post f’ħajtek? (Mt. 6:33) Issibha diffiċli li tagħraf it-​tajjeb mill-​ħażin f’dinja li l-​ħażin tagħmlu jidher tajjeb? (Lhud 5:14) Dawn il-​kwistjonijiet se jiġu indirizzati fl-​assemblea tas-​circuit “Ibbenefika Issa Billi Timxi fit-​Triqat t’Alla,” li se tibda f’Settembru 1999.​—Salm 128:1.

Karatteristika ġdida fil-​ġurnata tas-​Sibt taʼ din l-​assemblea tas-​circuit se tkun il-​preżentazzjoni taʼ Laqgħa tas-​Servizz bħala mudell. L-​indokratur tas-​circuit tiegħek se jinforma lill-​kongregazzjonijiet dwar dak li hu ppjanat sabiex kulħadd ikun jistaʼ jiġi preparat biex igawdi l-​programm bis-​sħiħ.

Il-parti intitolata “Pijunieri​—Qisu Sewwa kif Iġġibu Ruħkom” se turina kif neżerċitaw l-​għerf u r-​raġunevolezza sabiex nixtru ż-​żmien opportun għall-​ministeru taʼ pijunier. (Efes. 5:​15-17) Is-​suġġett “Oqgħod Attent minn Modi li Jidhru biss li Huma Tajbin” se jgħallimna kif inkunu żguri x’inhu aċċettabbli għal Alla f’kull aspett tal-​ħajja. It-​taħdita “Kif il-​Profezija Mwettqa Teffettwana” se tgħinna nimlew moħħna u qalbna b’imħabba għall-​Kelma t’Alla. It-​taħdita pubblika “It-​Triqat t’Alla​—Kemm Huma taʼ Benefiċċju!” se tenfasizza l-​benefiċċji prattiċi li nirċievu issa jekk nibqgħu fi qbil mal-​ħtiġijiet taʼ tjieba taʼ Jehovah.

Hija x-​xewqa tiegħek li turi pubblikament bil-​magħmudija taʼ l-​ilma li int trid timxi fit-​triqat t’Alla bħala wieħed mill-​qaddejja dedikati tiegħu? Mela kellem lill-​indokratur li jippresiedi sabiex ikunu jistgħu jsiru l-​arranġamenti neċessarji.

Kun determinat li ma titlifx din l-​assemblea tas-​circuit tant f’waqtha. Kun preżenti għall-​programm kollu taʼ jumejn, għax “hieni kull min jibżaʼ mill-​Mulej, kull min jimxi fit-​triqat tiegħu!”​—Salm 128:1.