SKEDA GĦAL-LAQGĦAT TAS-SERVIZZ
Ġimgħa li Tibda 11 taʼ Settembru
10 min: Avviżi lokali. Avviżi magħżulin minn Il-Ministeru tas-Saltna.
15 min: “Il-Barka taʼ Jehovah Tagħmilna Għonja.” Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.—Ara l-Insight, it-2 Volum, paġna 804, paragrafi 6-7.
20 min: “Uża l-Ġrajjiet Kurrenti biex Tqajjem l-Interess.” Diskussjoni maʼ l-udjenza u turijiet. Semmi diversi ġrajjiet kurrenti li qajmu l-interess lokalment. Liema interess qajmu dawn dwar il-futur? Billi tuża l-ktejjeb Kif Nibdew u Nkomplu Diskussjonijiet Fuq Il-Bibbja, paġna 4, offri xi suġġerimenti dwar kif nistgħu nippreparaw introduzzjoni li twassal għal diskussjoni tal-Bibbja. Ħejji żewġ turijiet prattiċi u preparati sew.
Għanja 224 u talba taʼ l-għeluq.
Ġimgħa li Tibda 18 taʼ Settembru
10 min: Avviżi lokali. Rapport tal-kontijiet.
15 min: Kif Morna s-Sena l-Oħra? Taħdita mill-indokratur tas-servizz. Irrevedi l-punti prinċipali tar-rapport tal-kongregazzjoni għas-sena taʼ servizz 2000. Agħti l-prosit għall-affarijiet tajbin li twettqu. Iġbed l-attenzjoni lejn l-aspetti fejn jinħtieġ li jsir titjib. Iffoka fuq kif marret il-kongregazzjoni fl-attendenza għal-laqgħat, f’li tibda u tikkonduċi studji tal-Bibbja, u kemm kienet regulari fis-servizz taʼ l-għalqa. Semmi xi miri prattiċi għas-sena li ġejja.
20 min: “Il-Ħajjiet Jinsabu fil-Periklu!” Diskussjoni maʼ l-udjenza. Enfasizza l-iskritturi ċitati fl-artiklu.
Għanja 30 u talba taʼ l-għeluq.
Ġimgħa li Tibda 25 taʼ Settembru
15 min: Avviżi lokali. Fakkar lill-pubblikaturi biex jitfgħu r-rapport tas-servizz taʼ l-għalqa għal Settembru. Irrevedi l-Kaxxa għall-Mistoqsija.
15 min: Bżonnijiet lokali.
15 min: Ir-Rivisti Tagħna Ma Jitilfux il-Valur Tagħhom. X’tagħmel meta jinġemgħu ħarġiet antiki taʼ It-Torri taʼ l-Għassa u Stenbaħ!? Xi pubblikaturi għandhom it-tendenza li jwarrbuhom, billi jaħsbu li s-suġġetti li jkun fihom ma jibqgħux japplikaw. Minflok, l-Our Kingdom Ministry taʼ Settembru, 1993, paġna 3, ħeġġitna biex inġorru magħna xi ħarġiet antiki u noffruhom fejn ikun xieraq. Tistaʼ tagħżel xi artikli li japplikaw għal żmienna u li jistgħu jolqtu lil irġiel, nisa, nies professjonali, anzjani, u adolexxenti; imbagħad lesti r-rivisti biex toffrihom meta jkollok l-opportunità. Uri kif l-artikli jistgħu jintgħażlu u jiġu offruti. Irrakkonta xi esperjenzi fejn il-pubblikaturi kellhom suċċess f’li jqassmu r-rivisti antiki.
Għanja 115 u talba taʼ l-għeluq.
Ġimgħa li Tibda 2 t’Ottubru
15 min: Avviżi lokali. Għarraf lill-kongregazzjoni dwar it-tqassim speċjali ppjanat għall-Aħbar tas-Saltna Nru. 36, li se jibda t-Tnejn, 16 t’Ottubru, u jibqaʼ sejjer sal-Ġimgħa, 17 taʼ Novembru. Ħeġġeġ lil kulħadd, inkluż liż-żgħażagħ u lil uħud ġodda, biex jipprova jieħu sehem bis-sħiħ. Dawk li jikkonduċu l-istudju tal-ktieb iridu jibdew minn issa jinkuraġġixxu u jorganizzaw lil dawk kollha fil-grupp tagħhom biex jieħdu sehem biż-żelu kemm jistaʼ jkun. Inkludi xi esperjenzi li jibnu mill-aħħar tqassim li sar taʼ l-Aħbar tas-Saltna.
15 min: “Għandi Mmur Noqgħod Xi Mkien Ieħor?” Taħdita minn anzjan. Spjega għala hemm bżonn li nużaw l-għaqal meta niġu biex niddeċiedu jekk immorrux noqogħdu xi mkien ieħor. Iddiskuti kif nistgħu napplikaw il-parir imsemmi fi Proverbji 22:3. Inkludi xi kummenti msemmijin fil-Watchtower tal-15 t’Awissu, 1988, paġna 22, dwar kemm wieħed għandu joqgħod attent.
15 min: Esperjenzi dwar Kif Bdejna Konversazzjonijiet. Fil-programm tal-Laqgħa tas-Servizz għall-ġimgħa tal-11 taʼ Settembru, ġie suġġerit biex niżviluppaw introduzzjonijiet dwar il-ġrajjiet kurrenti sabiex inqajmu l-interess u nibdew konversazzjonijiet fil-ministeru. Stieden lil dawk fl-udjenza biex jirrakkontaw ir-riżultati tajbin li kellhom s’issa billi applikaw dawn is-suġġerimenti.
Għanja 205 u talba taʼ l-għeluq.