Skeda għal-Laqgħat tas-Servizz
Ġimgħa li Tibda 11 t’Awissu
10 min: Avviżi lokali. Avviżi magħżulin mill-Ministeru tas-Saltna. Uża s-suġġeriment f’paġna 8, u ħejji turija taʼ kif jiġi preżentat It-Torri taʼ l-Għassa tal-15 t’Awissu flimkien maʼ ħarġa oħra taʼ Stenbaħ! F’kull turija, iż-żewġ rivisti jridu jiġu offruti flimkien, avolja t-Torri taʼ l-Għassa biss huwa preżentat. Waqt it-turija uri mod kif wieħed iwieġeb lil xi ħadd li jipprova jwaqqaf il-konversazzjoni billi jgħid, “Għandi X’Nagħmel.”—Ara l-ktejjeb Kif Nibdew u Nkomplu Diskussjonijiet Fuq Il-Bibbja, paġna 6.
15 min: “Imita t-Tjubija taʼ Jehovah.”a Stieden lil dawk fl-udjenza jirrakkontaw xi esperjenzi fil-qosor u juru kif atti taʼ ħniena fetħulhom it-triq biex jagħtu xiehda. Faħħar lill-kongregazzjoni għall-isforzi kollha li saru biex jiġu megħjuna sħabna fit-twemmin.
20 min: “Il-Barkiet li Jiġu mill-Ministeru taʼ Pijunier.”b Uża l-mistoqsijiet li ġew provduti. Stieden pijunier jew tnejn biex jikkummentaw fuq il-barkiet li rċivew mix-xogħol taʼ pijunier. Semmi li dawk li huma interessati fix-xogħol taʼ pijunier jistgħu jiksbu l-applikazzjoni mingħand is-segretarju.
Għanja 11 u talba taʼ l-għeluq.
Ġimgħa li Tibda 18 t’Awissu
12 min: Avviżi lokali. Rapport tal-kontijiet. Iddiskuti “Programm Ġdid tal-Jum t’Assemblea Speċjali.” Ħabbar id-data għall-jum t’assemblea speċjali li jmiss, u ħeġġeġ lil kulħadd biex jattendi. Jekk l-assemblea se tinżamm fix-xhur li jmiss, semmi li dawk li jixtiequ jitgħammdu għandhom jinformaw lill-indokratur li jippresiedi.
15 min: “Xogħol li Jġib Serħan.”c Ħejji minn qabel żewġ jew tliet aħwa biex jikkummentaw fuq kif il-ministeru Kristjan iġibilhom serħan.
18 min: “Ejja Nżommu l-Post taʼ Qima Tagħna f’Kundizzjoni Tajba.”d (Paragrafi 1-5) Uża l-mistoqsijiet provduti. Meta tkun qed tiddiskuti paragrafi 3 u 4, irrivedi l-arranġamenti lokali għat-tindif tas-Sala tas-Saltna. Tkellem dwar l-affarijiet li jeħtieġu iktar attenzjoni. Faħħar lill-kongregazzjoni għall-isforzi tagħha biex il-post tal-qima vera jinżamm kif suppost.
Għanja 114 u talba taʼ l-għeluq.
Ġimgħa li Tibda 25 t’Awissu
10 min: Avviżi lokali. Billi tuża s-suġġerimenti f’paġna 8, ħejji żewġ turijiet taʼ kif jiġu preżentati t-Torri taʼ l-Għassa taʼ l-1 taʼ Settembru u Stenbaħ! tat-8 taʼ Settembru. F’kull turija, iż-żewġ rivisti għandhom jiġu offruti flimkien, avolja wieħed biss jiġi preżentat. Uri kif ġenitur u ibnu jew bintu, li huma adolexxenti, jipprattikaw turija biex iħejju ruħhom għax-xogħol bir-rivisti. Huma jirrivedu fil-qosor kull preżentazzjoni suġġerita qabel ma jagħmluha bħala turija.
15 min: Bżonnijiet lokali.
20 min: Agħmel il-Qalb biex Tippriedka. (1 Tess. 2:2) Taħdita u diskussjoni maʼ l-udjenza. Spjega għala ħafna jibżgħu javviċinaw lil oħrajn bil-messaġġ tas-Saltna. Dan huwa minnu anki dwar dawk li ilhom attivi għal ħafna snin. Irrakkonta xi esperjenzi li jinsabu fit-Torri taʼ l-Għassa taʼ l-1 taʼ Diċembru, 1999, paġna 25; it-Torri taʼ l-Għassa tal-15 taʼ Diċembru, 1999, paġna 25; u The Watchtower taʼ l-1 t’April, 1996, paġna 31. Stieden lil dawk fl-udjenza biex jikkummentaw fuq kif irnexxielhom jagħmlu l-qalb u jaqsmu l-aħbar tajba f’okkażjonijiet meta ħassewhom beżgħanin. Ikkonkludi billi tagħti l-inkuraġġiment lil dawk fl-udjenza biex jiksbu s-saħħa mingħand Jehovah, billi tuża t-Torri taʼ l-Għassa tal-15 taʼ Diċembru, 1999, paġni 23-4.
Għanja 125 u talba taʼ l-għeluq.
Ġimgħa li Tibda 1 taʼ Settembru
10 min: Avviżi lokali. Fakkar lill-pubblikaturi biex jitfgħu r-rapport tas-servizz taʼ l-għalqa għal Awissu. Semmi l-offerta taʼ letteratura għal Settembru. Ipprepara minn qabel ħu jew tnejn biex jirrakkontaw esperjenzi inkuraġġanti li ltaqgħu magħhom waqt l-għoti taʼ xiehda informali, waqt xi vaganza, jew f’okkażjonijiet oħra matul ix-xhur tas-sajf.
15 min: Iżżommha Kelmtek biex Terġaʼ Tmur? Taħdita u diskussjoni maʼ l-udjenza bbażata fuq It-Torri taʼ l-Għassa tal-15 taʼ Settembru, 1999, paġni 10-11, taħt is-sottitlu “Modi Oħrajn biex Inżommu l-Wegħdi Tagħna.” Meta nsibu nies fil-ministeru tagħna li juru interess, aħna ġeneralment niftiehmu biex inkomplu d-diskussjoni darb’oħra. Immorru lura lealment bħalma nkunu wegħedna? Irrivedi l-prinċipji Bibliċi li għandhom jimmotivawna biex inżommu l-kelma li nkunu tajna. Stieden lil dawk fl-udjenza biex jirrakkontaw esperjenzi li juru kif ġew imberkin talli marru lura fil-pront.
20 min: “Ejja Nżommu l-Post taʼ Qima Tagħna f’Kundizzjoni Tajba.”e (Paragrafi 6-12) Uża l-mistoqsijiet provduti. Enfasizza kemm hu importanti li nieħdu ħsieb sew is-Sala tas-Saltna, waqt li ssemmi l-kaxxa f’paġna 5. Inkludi rapport qasir tal-kundizzjoni tas-Sala tas-Saltna tagħkom, u semmi xi pjanijiet li hemm biex isiru xi tiswijiet jew titjib.
Għanja 41 u talba taʼ l-għeluq.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
c Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
d Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
e Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.