Avviżi

◼ Ġunju: Offri l-​ktieb Tgħallem mill-​Għalliem il-​Kbir. Jekk ikun hemm min jgħid li m’għandux tfal, offri l-​ktieb Hena Fil-​Familja jew il-​ktieb Għarfien. Agħmel sforz biex tibda studji tal-​Bibbja. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, Għandek Int Temmen fit-​Trinità?, “Ħares! Qed Nagħmel l-​Affarijiet Kollha Ġodda,” Ktieb għan-​Nies Kollha, Meta Xi Ħadd Li Tħobb Imut, Veru li Alla Jimpurtah Minna?, u X’Inhu l-​Iskop tal-​Ħajja​—Kif Tistaʼ Ssibu? Settembru: Għandu jsir sforz speċjali biex jiġu offruti l-​pubblikazzjonijiet li ġejjin: Tgħix Għal Dejjem, u Hena Fil-​Familja.

◼ Għandha titqiegħed kopja tal-​ktieb Organizzati biex Nagħmlu r-​Rieda taʼ Ġeħova fil-​librerija tas-​Sala tas-​Saltna. Wieħed jistaʼ jsib iktar informazzjoni dwar il-​libreriji tas-​Swali tas-​Saltna fil-​Ministeru tas-​Saltna taʼ Frar 2003, paġna 5, u fil-​Kaxxa għall-​Mistoqsija tal-​Ministeru tas-​Saltna t’April 1997.

◼ Għadd taʼ pubblikaturi staqsew rigward ċerti għanjiet tas-​Saltna li ġew rikordjati u kantati bi stil taʼ mużika pop u li bħalissa qed jiċċirkolaw fost ix-​Xhieda taʼ Ġeħova. Dawn jixtiequ jkunu jafu jekk dawn id-​diski għandhomx l-​approvazzjoni taʼ l-​organizzazzjoni. Aħna nafu b’dawn id-​diski u nixtiequ ninformawkom li m’għandhomx l-​approvazzjoni tagħna. Jekk jogħġobkom tgħaddux dawn id-​diski lil oħrajn u lanqas iġġibuhom minn fuq l-​Internet. Aħna nisperaw li din l-​informazzjoni se tiċċara l-​kwistjoni.

◼ L-​Erbgħa, 29 taʼ Ġunju hija festa pubblika. Din tagħti opportunità mill-​aħjar lil kulħadd biex dakinhar jieħu sehem fis-​servizz taʼ l-​għalqa.