Avviżi

◼ Offerta taʼ letteratura għal Mejju: Offri kopji individwali tat-​Torri taʼ l-​Għassa u Stenbaħ! Meta tagħmel żjajjar lura lil persuni interessati, inkluż dawk li jattendu t-​Tifkira u/jew attivitajiet teokratiċi oħra iżda li m’humiex jassoċjaw b’mod attiv mal-​kongregazzjoni, ipprova ħallilhom il-​ktieb il-​ġdid Il-​Bibbja X’Tgħallem Verament? Il-​mira għandha tkun li jinbeda studju tal-​Bibbja b’dan il-​ktieb. Ġunju: Offri l-​ktieb Tgħallem mill-​Għalliem il-​Kbir. Jekk xi ħadd jgħid li m’għandux tfal, offri l-​ktieb Hena Fil-​Familja. Lulju u Awissu: Jistaʼ jintuża kwalunkwe browxer taʼ 32 paġna minn dawn li ġejjin: Gawdi l-​Ħajja fuq l-​Art Għal Dejjem!, “Ħares! Qed Nagħmel l-​Affarijiet Kollha Ġodda,” Għandek Int Temmen fit-​Trinità?, Veru li Alla Jimpurtah Minna?, X’Inhu l-​Iskop tal-​Ħajja-Kif Tistaʼ Ssibu?, Meta Xi Ħadd Li Tħobb Imut, X’Jiġrilna meta Mmutu?, u Ibqaʼ Għassa!

◼ L-​indokratur li jippresiedi, jew xi ħadd inkarigat minnu, għandu jawditja l-​kontijiet tal-​kongregazzjoni fl-​1 taʼ Ġunju jew kemm jistaʼ jkun malajr wara din id-​data. Jekk hemm xi kont bankarju ieħor, bħal per eżempju tal-​manutenzjoni jew tal-​kostruzzjoni, għandhom isiru arranġamenti sabiex jiġi awditjat dan il-​kont. Meta dan ikun sar, għandu jsir avviż lill-​kongregazzjoni mar-​rapport tal-​kontijiet li jmiss.

◼ Huwa rikkmandat li l-​applikazzjonijiet għas-​servizz taʼ pijunier regulari jintbagħtu lill-​uffiċċju taʼ Malta minn taʼ l-​inqas 30 jum qabel id-​data li wieħed ikun jixtieq jibda. Is-​segretarju tal-​kongregazzjoni għandu jirrivedi l-​formoli sabiex ikun żgur li jkunu mtlew sew. Jekk dawk li japplikaw ma jistgħux jiftakru eżattament id-​data tal-​magħmudija tagħhom, għandhom jaraw meta kienet bejn wieħed u ieħor u jżommu nota tagħha. Is-​segretarju għandu jżomm nota taʼ din id-​data fuq il-​kard bit-​titlu Congregation’s Publisher Record (S-21).

◼ Peress li Ġunju fih żewġ festi pubbliċi, dan ikun xahar ideali għax-​xogħol taʼ pijunier awżiljarju.