Reviżjoni taʼ l-Assemblea tas-Circuit
It-tema tal-programm taʼ l-assemblea tas-circuit għas-sena taʼ servizz 2007 hi “Aħżnu Teżori fis-Sema.” (Mt. 6:20) L-indokratur li jippresiedi għandu jħejji taħdita inkuraġġanti t’għaxar minuti, ġimgħa jew tnejn qabel l-assemblea tas-circuit biex jibni l-antiċipazzjoni u jħeġġeġ lil kulħadd jattendi ż-żewġ ġranet. Il-kelliemi għandu jenfasizza ftit mill-mistoqsijiet t’hawn taħt u jinkuraġġixxi lil kulħadd biex jieħu n-noti. Ftit ġimgħat wara l-assemblea, reviżjoni taʼ l-ewwel jum tal-programm li tieħu 15-il minuta għandha tkun fl-iskeda, segwita minn reviżjoni tat-tieni jum li tieħu 15-il minuta l-ġimgħa taʼ wara. Għandhom jiġu kunsidrati l-mistoqsijiet kollha. Idderieġi l-attenzjoni taʼ l-udjenza lejn kif nistgħu napplikaw l-informazzjoni li ġiet preżentata. Partijiet oħra tal-Laqgħa tas-Servizz jistgħu jiġu mqassrin, eliminati, jew mdaħħlin fl-iskeda darb’oħra biex minflokhom jiġu kunsidrati dawn is-sessjonijiet speċjali.
L-EWWEL JUM
1. Għala hu importanti li naħżnu t-teżori fejn hu xieraq?
2. Ħafna wħud kif qed jiksbu reputazzjoni tajba m’Alla?
3. Minn xiex nistgħu nkunu ċerti jekk nibqgħu nfittxu s-Saltna l-ewwel?
4. X’benefiċċji dejjiema jikseb min jibqaʼ leali minkejja l-oppożizzjoni?
5. X’eżempji juru li Ġeħova jistaʼ jieħu ħsieb lill-qaddejja tiegħu fi żmien taʼ diffikultajiet ekonomiċi?
6. Kif nistgħu nġeddu lilna nfusna spiritwalment meta nissieltu maʼ limitazzjonijiet fiżiċi?
7. Kif nistgħu nuru li aħna ngħożżu l-privileġġi u r-responsabbiltajiet Kristjani tagħna iktar minn dak li toffrilna d-dinja taʼ Satana?
8. Kif nistgħu nwettqu l-ministeru Kristjan tagħna minkejja l-provi u l-oppożizzjoni?
IT-TIENI JUM
9. Xi jfisser li tkun “għani m’Alla”? (Lq. 12:21)
10. B’liema ġid nistgħu nonoraw lil Ġeħova, u kif?
11. (a) Kif nistgħu ngħinu lil uliedna jsiru dixxipli? (b) Kif nistgħu nibnu l-fidi fl-istudenti tagħna tal-Bibbja?
12. Meta nieħdu deċiżjonijiet, x’għandu jingħata prijorità?
13. Kif nistgħu nsalvaw “f’jum l-għadab” taʼ Ġeħova? (Prov. 11:4)
14. X’se jgħinna nevitaw li nkunu lsiera taʼ l-għana?
15. Għala għandna niċċekkjaw b’mod regulari fejn hu t-teżor tagħna, u kif nistgħu nagħmlu dan?
16. Liema parir mill-assemblea tas-circuit taʼ din is-sena bi ħsiebek tapplika?