Noffru t-​Traduzzjoni tad-​Dinja l-​Ġdida taʼ l-​Iskrittura Griega Kristjana

¹ “Ikun tassew xieraq li tikseb [it-Traduzzjoni tad-​Dinja l-​Ġdida taʼ l-​Iskrittura Griega Kristjana]. Hija ħajja u realistika, u lill-​qarrej iġġiegħlu jaħseb u jistudja. M’hijiex ix-​xogħol taʼ Kritiċi Letterarji, imma taʼ studjużi li jonoraw lil Alla u lill-​Kelma Tiegħu.” Hekk qal kummentatur Grieg magħruf. Aħna naqblu miegħu. Kif nistgħu ngħinu lil oħrajn biex ikollhom l-​istess apprezzament għat-​Traduzzjoni tad-​Dinja l-​Ġdida taʼ l-​Iskrittura Griega Kristjana meta noffruha f’Mejju u Ġunju?

² Xi wħud għandhom mnejn iwieġbu, “Diġà għandi Bibbja. M’għandix bżonn oħra.” L-​isfida tagħna hi li ngħinuhom jaraw li t-​Traduzzjoni tad-​Dinja l-​Ġdida taʼ l-​Iskrittura Griega Kristjana m’hijiex sempliċement Bibbja oħra. Hi traduzzjoni letterali, bil-​lingwaġġ taʼ llum, li tesprimi b’mod eżatt is-​sens tat-​test oriġinali. Nistgħu nenfasizzaw dak li hemm fl-​appendiċi bħas-​suġġett “Ġrajjiet Prinċipali fil-​Ħajja taʼ Ġesù” f’paġni 432-439.

³ Madankollu, ftit huma dawk li jaqraw il-​Bibbja, aħseb u ara kemm jifhmu l-​prinċipji tagħha għall-​ħajja taʼ kuljum! Għandhom bżonn ikunu jafu li l-​Kelma t’Alla tistaʼ tinfluwenza lil ħajjithom għat-​tajjeb u l-​fatt li jsegwu l-​pariri tagħha dwar l-​onestà, il-​moralità, u l-​ħajja tal-​familja jistaʼ jgħinhom ikampaw mal-​problemi taʼ llum. Kif jitwettaq dan?

⁴ Suġġeriment taʼ Preżentazzjoni: “Peress li l-​valuri morali taʼ llum qed jitbiddlu b’rata mgħaġġla u peress li l-​futur tagħna hu daqshekk inċert, taqbel int li għandna bżonn gwida taʼ min joqgħod fuqha fil-​ħajja? [Agħti ċans għal tweġiba.] Għalkemm hija l-​eqdem ktieb, il-​Bibbja tagħti pariri prattiċi għall-​ħajja taʼ llum u għall-​ħajja hienja tal-​familja.” Imbagħad aqra t-​2 Timotju 3:16, 17. Offri t-​Traduzzjoni tad-​Dinja l-​Ġdida taʼ l-​Iskrittura Griega Kristjana u spjega dwar il-​programm tagħna taʼ studju tal-​Bibbja fid-​dar bla ħlas. Tistaʼ ssib introduzzjonijiet oħrajn li huma adattati f’paġni 2-7 fil-​ktejjeb Kif Nibdew u Nkomplu Diskussjonijiet Fuq Il-​Bibbja.

⁵ Ejja nuru l-​apprezzament tagħna għat-​Traduzzjoni tad-​Dinja l-​Ġdida taʼ l-​Iskrittura Griega Kristjana li hi eċċellenti. Dan nistgħu nagħmluh billi noffruha b’mod żeluż f’Mejju u Ġunju.