Aġġustamenti fil-​Laqgħa taʼ Matul il-​Ġimgħa

B’seħħ mill-​ġimgħa li tibda fit-​3 taʼ Settembru, l-​Istudju tal-​Bibbja tal-​Kongregazzjoni se jitwal minn 25 minuta għal nofs siegħa. Fil-​kummenti tiegħu bħala introduzzjoni, dak li jikkonduċi għandu jieħu minuta biex jirrivedi l-​lezzjoni taʼ qabel. Il-​ħin tal-​Laqgħa tas-​Servizz se jiġi aġġustat ukoll minn 35 minuta għal nofs siegħa. Mhux se jkun hemm iktar parti separata għall-​avviżi. Minflok, kwalunkwe avviż għandu jingħata fil-​bidu tal-​ewwel parti fl-​iskeda. Fil-​biċċa l-​kbira mill-​każijiet, ftit avviżi, jekk ikun hemm, se jkunu neċessarji, u ma jkunx hemm għalfejn jitħabbar x’se jiġi preżentat fil-​laqgħa. M’għandhomx isiru avviżi rigward is-​servizz tal-​għalqa, l-​iskedi tat-​tindif, u t-​tislijiet. (km 10/08 p. 1, para. 4) Jekk ikun se jsir xi avviż li jieħu fit-​tul, ikun taʼ għajnuna jekk dawk li jkunu se jieħdu sehem fil-​laqgħa jsiru jafu minn qabel sabiex b’hekk iqassru l-​parti tagħhom.