Mingħand il-​Qarrejja

Il-​Komunikazzjoni Ħassejt li għandi nikteb dwar is-​serje t’artikli “Il-​Komunikazzjoni​—Vitali għall-​Ħajja.” (8 t’Ottubru, 2003) Dawn l-​artikli ddeskrivew dak li spiss jiġri fin-​natura​—ħlejjaq jgħinu lil xulxin. Saħansitra l-​pjanti jagħmlu sinjali biex iwissu lil xulxin dwar il-​predaturi! Kemm ikun żmien taʼ l-​għaġeb meta l-​bnedmin ukoll jitgħallmu jieħdu ħsieb xulxin!

C. C., Stati Uniti

Kemm għoġbuni d-​deskrizzjonijiet tagħkom dwar kif l-​annimali jikkomunikaw bejniethom! Ma nistgħux niċħdu l-​fatt li hemm Alla li hu s-​sors taʼ dawn l-​affarijiet meraviljużi kollha.

R. Z., Ġermanja

M’għandix kliem biżżejjed biex nesprimi l-​ferħ li ħassejt meta qrajt dawn l-​artikli. Xi privileġġ taʼ l-​għaġeb għandna li nistgħu nikkomunikaw m’Alla!

A. W., Afrika t’Isfel

Dal-għodu meta bdejt naqra, verament ħassejtni mdejqa. Imma l-​materjal dwar kif l-​insetti jikkomunikaw bejniethom ġagħalni nidħaq. Tlaqt għax-​xogħol bi tbissima fuq wiċċi.

L. L., Franza

Il-​Moda Nixtieq nesprimi l-​apprezzament tiegħi għasserje t’artikli “Int Tħalli l-​Moda Tikkontrollak?” (8 taʼ Settembru, 2003) Bħala adoloxxenti, ħassejt pressjoni mid-​dinja biex nixtri ħwejjeġ taʼ l-​aħħar moda u biex inżomm il-​figura “perfetta.” Imma dawn l-​artikli għenuni naħsibha mod ieħor dwar kif nonfoq il-​flus u biex nilbes iktar modest.

M. B., Stati Uniti

Jien għandi għaxar snin, u l-​għalliema tiegħi qaltilna biex nieħdu xi riċerka dwar is-​suġġett tal-​moda. Jien ħadt kopja taʼ l-​artiklu “L-​Aspett Negattiv tal-​Faxxinu.” L-​għalliema għamlet kopji għall-​klassi kollha!

G., Belġju

Bħala tfajla taʼ 19-il sena, insibha diffiċli biex ma niġix influwenzata minn dak li jgħidu dwar kif għandha tkun il-​mara “ideali.” M’għandix figura taʼ xi mudella, u dan spiss iġagħlni nħossni kerha. Jien spiss inkun irrid nagħmel id-​dieta​—saħansitra dieti estremi. Ftit wara li tlabt għal pariri dwar kif għandi nkampa maʼ dawn is-​sentimenti, jien irċivejt din ir-​rivista flimkien mat-​tweġiba għat-​talba tiegħi. Grazzi ħafna.

S., Ġermanja

L-​artikli għenuni nifhem li nkun vanituża jekk nimxi mal-​moda. Jien għandi 14-il sena, u l-​Italja mhux faċli li tmur l-​iskola jekk ma tkunx liebes ħwejjeġ tad-​ditta​—awtomatikament issir ma teżistix! L-​artikli tagħkom għallmuni li l-​iktar ħaġa importanti hi li nkun għani spiritwalment f’għajnejn Alla.

F. G., Italja

L-​Abbuż tal-​Bulijiet Jien m’iniex waħda mix-​Xhieda taʼ Jehovah. Madankollu, is-​serje t’artikli “L-​Abbuż tal-​Bulijiet​—X’Tistaʼ Tagħmel Dwaru?” (8 taʼ Novembru, 2003) wasal fi żmien eżatt. Attakki minn studenti fl-​iskola taʼ binti saru serji ħafna. Kif issuġġerejtu intom, jien tkellimt magħha u stajt nagħtiha ftit appoġġ u għajnuna. Grazzi talli jinteressakom min-​nies.

T. M., Ukraina

It-​Tatwaġġi Grazzi ħafna taʼ l-​artiklu “Iż-​Żgħażagħ Jistaqsu . . . Għandi Nagħmel Tatwaġġ?” (8 t’Ottubru, 2003) Jien verament kont naħseb li t-​tatwaġġi kienu faqgħa u ridt inwaħħal stiker, bħala tatwaġġ li ma jibqax għal dejjem. Madankollu, il-​frażi li żgur li ma rridux nagħmlu marki fuq ġisimna, “anki temporanji,” li jiddiżonoraw lil Alla verament laqtitni. Meta kkunsidrajt li jekk ikolli tatwaġġ nistaʼ nfixkel lil oħrajn u nġagħalhom jaħsbu li jien ribelluża, iddeċidejt li ma nagħmlux.

A. K., Ġappun