Studenti Stressati

JENNIFER taʼ sbatax-il sena dejjem kienet fost l-aqwa studenti tal-klassi tagħha. Hi kienet tieħu sehem f’ħafna attivitajiet li ma kinux konnessi mal-kurrikulu taʼ l-iskola u kellha r-rispett taʼ l-għalliema tagħha u taʼ dawk li jagħtuha l-pariri. Imma fis-sena taʼ qabel il-gradwazzjoni tagħha, hi beda jkollha wġigħ taʼ ras kbir u spiss kellha tqalligħ fl-istonku. Hi tħoss li l-ħin twil taʼ konċentrazzjoni kbira li qattgħet biex tagħmel ix-xogħol taʼ l-iskola flimkien man-nuqqas taʼ rqad marrduha fiżikament.

Jennifer m’hijiex waħedha. L-għadd taʼ studenti li qed jiffaċċjaw livelli għoljin taʼ stress fl-iskola jidher li qed jikber u xi wħud qed ifittxu għajnuna mingħand il-psikjatri. Bħala riżultat, grupp t’edukaturi Amerikani stabbilew programm biex jgħinu ħalli jnaqqsu l-istress fl-iskejjel. Dan il-programm hu msejjaħ Sfida għas-Suċċess.

Jekk int student, forsi bħal Jennifer qiegħed tipprova tkampa ma’ l-istress. Jew jekk int ġenitur, forsi tistaʼ tara l-pressjoni kontinwa li ibnek jew bintek tiffaċċja biex tirnexxi fl-iskola. Hemm sors effettiv taʼ gwida li l-istudenti u l-ġenituri tagħhom jistgħu jduru lejh għall-għajnuna?