Il-Ħbieb t’Alla Jevitaw Dak li Hu Ħażin

Satana jħajjar lin-​nies biex jagħmlu affarijiet ħżiena. Wieħed li jrid ikun il-​ħabib t’Alla jrid jobgħod dak li Jehovah jobgħod. (Salm 97:10, KŻ) Dawn huma xi affarijiet li l-​ħbieb t’Alla għandhom jevitaw:

Dnubiet sesswali. “La tagħmilx adulterju.” (Eżodu 20:14) Li wieħed ikollu relazzjoni sesswali qabel iż-​żwieġ ukoll hu ħażin.—1 Korintin 6:18.

Sokor. ‘L-​iskaren ma jirtux is-​saltna t’Alla.’—1 Korintin 6:10.

Qtil, Abort. “La toqtolx.”—Eżodu 20:13.

Serq. “La tisraqx.”—Eżodu 20:15.

Gideb. Jehovah jobgħod “[i]lsien giddieb.”—Proverbji 6:17.

Vjolenza u Rabja mhix Kontrollata. Jehovah ‘jobgħod lil dak li jħobb il-​vjolenza.’ (Salm 11:5, KŻ) “L-​għemejjel tal-​ġisem” jinkludu l-​“korla.”—Galatin 5:19, 20.

Logħob ta’ l-​Ażżard. “Tagħmluhiex ma’ min . . . hu . . . rgħib.”—1 Korintin 5:11.

Mibegħda lejn Razez u Kulturi Differenti. “Ħobbu lill-​għedewwa tagħkom, u itolbu għal dawk li jippersegwitawkom.”—Mattew 5:43, 44.

L-​affarijiet li jgħidilna Alla huma għall-​ġid tagħna. M’huwiex dejjem faċli li tevita li tagħmel affarijiet ħżiena. Bl-​għajnuna ta’ Jehovah u bl-​għajnuna tax-​Xhieda tiegħu, int tista’ tevita li tagħmel l-​affarijiet li ma jogħġbux lil Alla.—Isaija 48:17; Filippin 4:13; Lhud 10:24, 25.