STUDJU 13

Valur prattiku magħmul ċar

Proverbji 3:21

X’GĦANDEK TAGĦMEL: Għin lis-semmiegħa jifhmu kif is-suġġett tiegħek jaffettwa ħajjithom, u urihom xi jridu jagħmlu b’dak li jitgħallmu.

Aħseb dwar is-semmiegħa tiegħek. Immedita fuq għala s-semmiegħa tiegħek għandhom bżonn jisimgħu l-informazzjoni li qed taqsam magħhom u x’se jkun t’għajnuna għalihom b’mod speċjali.
Waqt it-taħdita, uri lis-semmiegħa tiegħek xi jridu jagħmlu. Mill-bidu nett, kull semmiegħ għandu jirrealizza, ‘Din għalija.’ Hekk kif tiżviluppa kull punt, uri kif jiġi applikat. Kun speċifiku.

Iddiskuti kif jiġu applikati prinċipji Bibliċi bi mħabba u b’mod li juri lis-semmiegħa tiegħek li int tifhem kif iħossuhom. Minflok ma ġġegħelhom iħossuhom ħatjin, saħħaħ l-imħabba u l-fidi tagħhom u kun fiduċjuż li qalbhom se tqanqalhom jagħmlu dak li hu sewwa.