STUDJU 18

Informattiva għall-udjenza

1 Korintin 9:19-23

X’GĦANDEK TAGĦMEL: Għin lis-semmiegħa tiegħek jaħsbu dwar is-suġġett, u b’hekk iħossu li tgħallmu xi ħaġa utli.

Aħseb dwar dak li s-semmiegħa tiegħek diġà jafu. Minflok ma sempliċement tirrepeti dak li semgħu qabel, għinhom iħarsu lejn is-suġġett minn angolu differenti.

Għaddi iktar malajr punti li huma familjari, imma ħudha iktar bil-mod meta tippreżenta punti ġodda.
Agħmel riċerka u mmedita. Meta jkun possibbli, inkludi fatti inqas familjari jew affarijiet li qed jiġru dan l-aħħar biex tispjega punti prinċipali. Aħseb fil-fond dwar il-materjal tiegħek u kif dan jaqbel mal-fatti li qed taħseb biex issemmi.

Hekk kif teżamina l-materjal, idħol iktar fis-suġġett billi tistaqsi lilek innifsek mistoqsijiet bħal ‘x’inhu, għala, meta, fejn, min, u kif.’ Agħti l-ħajja lit-tagħlim tiegħek billi tistaqsi u twieġeb xi mistoqsijiet minn dawn tul it-taħdita tiegħek.
Uri kemm il-messaġġ tiegħek hu utli. Spjega kif punti Skritturali jistgħu jgħinu lis-semmiegħa tiegħek fil-ħajja taʼ kuljum. Iddiskuti sitwazzjonijiet, attitudnijiet, u azzjonijiet speċifiċi li jgħoddu għas-semmiegħa tiegħek.