Kien is-​Seklu 20 Dominat minn Satana?

“Fl-​agħar tiegħu, dan kien is-​seklu taʼ Satana. Fl-​ebda żmien ieħor ma kienu n-​nies urew daqshekk ħila, u xenqa, biex joqtlu miljuni taʼ nies oħrajn minħabba r-​razza, ir-​reliġjon jew il-​klassi tagħhom.”

Il-ħamsin anniversarju tal-​ħelsien taʼ vittmi innoċenti maqfulin f’kampijiet tal-​konċentrament tan-​Nazi qanqal il-​kumment t’hawn fuq f’editorjal taʼ The New York Times tas-​26 taʼ Jannar, 1995. L-​Olokawst—wieħed mill-​iktar ġenoċidji magħrufin fl-​istorja—qered xi sitt miljun Lhudi. Kważi tliet miljun ċittadin Pollakk li ma kinux Lhud, mietu f’dak li ġie msejjaħ bħala l-​“Olokawst Minsi.”

“Kalkolu wieħed juri li mill-​1900 sa l-​1989, il-​gwerra qatlet 86 miljun ruħ,” jgħid Jonathan Glover fil-​ktieb tiegħu Humanity​—A Moral History of the Twentieth Century. Hu jkompli jgħid: “L-​imwiet li kien hemm fil-​gwerer tas-​seklu għoxrin kienu fuq skala tant kbira li diffiċli tifhimha. Kull medja li toħroġ mill-​għadd taʼ mwiet m’hijiex fi qbil mal-​fatti, ladarba xi żewġ terzi (58 miljun) minnhom inqatlu fiż-​żewġ gwerer dinjin. Iżda kieku dawn l-​imwiet seħħew b’mod uniformi tul iż-​żmien, kieku l-​gwerer qatlu 2,500 ruħ kuljum. Dan ifisser iktar minn 100 ruħ kull siegħa, bla waqfien, għal disgħin sena sħaħ.”

Minħabba f’hekk, is-​seklu 20 ġie msejjaħ bħala wieħed mill-​iktar sekli mdemmijin li l-​bniedem qatt ra. Fil-​ktieb tagħha Hope Against Hope, Nadezhda Mandelstam kitbet: “Rajna l-​ħażen jirbaħ wara li l-​prinċipji tax-​xogħol umanitarju ġew imkasbrin u injorati apposta.” Fil-​ġlieda bejn it-​tajjeb u l-​ħażin, rebaħ tassew il-​ħażin?

[Sors tal-​Istampa f’paġna 2]

QOXRA: Mother and daughter: J.R. Ripper/SocialPhotos

[Sors tal-​Istampa f’paġna 3]

Ritratt mill-​U.S. Department of Energy