Ix-Xhieda taʼ Ġeħova u l-Olokawst—X’Tgħid il-Bibbja?

Fis-27 taʼ Jannar 2023, ħafna nies se jfakkru l-International Holocaust Remembrance Day. L-affarijiet koroh li ġraw iktar minn 75 sena ilu jistgħu jġegħluk taħseb għala Alla ħalla l-Olokawst jiġri.

• Biex tkun taf x’tgħid il-Bibbja, aqra l-artiklu “Għala Seħħ l-Olokawst? Alla Għala Ma Waqqfux?”

In-nies Lhud batew ħafna minħabba l-Olokawst. Miljuni minnhom inqatlu apposta u b’modi ppjanati minn qabel. F’dak iż-żmien, membri taʼ gruppi oħra wkoll ġew trattati ħażin ħafna u maqtulin. Uħud minnhom kienu x-Xhieda taʼ Ġeħova li ġew ippersegwitati minħabba li jemmnu f’dak li tgħid il-Bibbja.

• Biex issir taf iktar, aqra l-artiklu “Xi ġralhom ix-Xhieda taʼ Ġeħova matul l-Olokawst Nazista?”

“Futur u tama”

Ħafna nies jibżgħu li xi ħaġa bħall-Olokawst tistaʼ terġaʼ tiġri. Imma l-Bibbja twegħedna li fil-futur mhux se jkun hemm iktar affarijiet koroh.

• “‘Għax jien naf il-ħsibijiet li qed naħseb dwarkom,’ hija l-kelma taʼ Ġeħova, ‘ħsibijiet taʼ paċi, mhux taʼ ħsara, sabiex nagħtikom futur u tama.ʼ”—Ġeremija 29:11.a

Dan se jiġri meta Alla Ġeħova jneħħi l-ħażen kollu u l-ħsara li jġib miegħu. Dalwaqt hu se:

• Ineħħi lil nies ħżiena li jweġġgħu lil ħaddieħor.—Proverbji 2:22.

• Ifejjaq lil dawk kollha li jbatu.—Rivelazzjoni 21:4.

• Jerġaʼ jqajjem lil dawk li mietu biex jgħixu fuq l-art.—Ġwanni 5:28, 29.

Int tistaʼ temmen din it-tama sabiħa li hemm miktub fil-Bibbja. Biex issir taf għala, nistidnuk biex tipprova studju tal-Bibbja b’xejn.