Kaxxa għall-​Mistoqsija

◼ Liema pubblikazzjonijiet għandna nistudjaw maʼ wħud ġodda qabel jitgħammdu?

Qabel ma individwu jkun jistaʼ jiddedika ħajtu lil Jehovah u jitgħammed, irid jieħu għarfien eżatt. (Ġw. 17:3) Se jikseb it-​tagħrif li għandu bżonn billi jistudja kemm il-​browxer Alla X’Jirrikjedi Minna? u kemm il-​ktieb Għarfien Li Jwassal Għall-​Ħajja Taʼ Dejjem. Fil-​biċċa l-​kbira tal-​każi, il-​browxer X’Jirrikjedi jiġi studjat l-​ewwel. Madankollu, jekk l-​istudju nbeda bil-​ktieb Għarfien, il-​browxer X’Jirrikjedi għandu jiġi studjat wara li jitlesta l-​ktieb. Dan għala huwa neċessarju?

Il-browxer X’Jirrikjedi jipprovdi ġabra fil-​qosor tat-​tagħlim bażiku tal-​Bibbja. Jekk jiġi studjat l-​ewwel, se jagħti lill-​istudent fehma fundamentali dwar dak li huwa meħtieġ biex jogħġob lil Jehovah. Jekk jiġi studjat l-​aħħar, se jservi bħala reviżjoni tajba taʼ dak li ġie diskuss fil-​ktieb Għarfien. Fiż-​żewġ każi, inkuraġġixxi lill-​istudent biex ifittex l-​iskritturi li jappoġġaw lill-​materjal u biex jimmedita fuqhom. Kun żgur li tenfasizza l-​istampi, peress li huma għajnuniet taʼ tagħlim effettivi ħafna.​—Ara t-​Torri taʼ l-​Għassa taʼ l-​1 taʼ Frar, 1997, paġni 10-11.

Meta student tal-​Bibbja jkun spiċċa jistudja ż-​żewġ pubblikazzjonijiet, se jkun jistaʼ jwieġeb il-​mistoqsijiet kollha li l-​anzjani se jirrevedu miegħu bħala preparazzjoni għall-​magħmudija. Jekk inhu hekk, ma jkunx hemm għalfejn tikkonduċi studju formali miegħu f’xi pubblikazzjoni oħra, għalkemm dak li jikkonduċih għandu jibqaʼ jieħu interess b’mod attiv fil-​progress tiegħu.​—Ara t-​Torri taʼ l-​Għassa taʼ l-​1 taʼ Frar, 1996, paġni 8, 9, 12.