United by Divine Teaching—Ħarsa Lejn l-​Unità Vera bħal Dik taʼ bejn l-​Aħwa

Indokratur tas-​circuit mar fuq studju tal-​Bibbja taʼ waħda mara li kienet għadha ma bdietx tattendi l-​laqgħat tal-​kongregazzjoni. Hu stedinha biex tara l-​vidjo United by Divine Teaching (Magħqudin Permezz taʼ Tagħlim Divin). Dik il-​ġimgħa stess attendiet laqgħa minnhom u qalet li kienet ferħana ħafna li kienet hemm. Kif ġab riżultati daqshekk malajr dan il-​vidjo? Hi baqgħet impressjonata għax rat l-​unità prezzjuża tagħna bħal dik taʼ bejn l-​aħwa li qed taġixxi f’nofs dinja vjolenti u kollha mibegħda.—Ġw. 13:35.

Ara dan il-​vidjo biex tara u tħoss il-​paċi u l-​imħabba li jgawdu x-​Xhieda taʼ Jehovah madwar id-​dinja. Imbagħad immedita fuq dawn il-​mistoqsijiet:

(1) It-​tema “Tagħlim Divin” għala kienet addattata għall-​konvenzjonijiet taʼ l-​1993-94?—Mik. 4:2.

(2) Liema importanza kellha l-​verità tal-​Bibbja għal xi familji? Liema importanza kellha għall-​familja tiegħek?

(3) Għala huwa importanti li niġu mgħallmin minn Jehovah?—Salm 143:10.

(4) Liema sfidi jridu jiġu ffaċċjati fit-​tħejjija taʼ konvenzjonijiet internazzjonali kbar?

(5) Kif rajt it-​twettiq taʼ Salm 133:1 u Mattew 5:3 fil-​konvenzjonijiet Kristjani li attendejt?

(6) Liema evidenza pubblika hemm taʼ l-​effetti qawwijin li jħalli t-​tagħlim divin?—Apk. 7:9.

(7) Liema kien l-​akbar numru li qatt kien hemm taʼ wħud Kristjani veri li tgħammdu flimkien?

(8) Liema kliem taʼ Mikea, Pietru, u Ġesù qed iseħħ fost ix-​Xhieda taʼ Jehovah?

(9) X’jurik li familja umana ferħana u magħquda m’hijiex sempliċi ħolma?

(10) Lil min se turih dan il-​vidjo u għala?

Wara li rat dan il-​vidjo, waħda oħt iddeskrivietu ħelu ħelu b’dan il-​mod: “Il-​vidjo se jgħinni ħafna biex inżomm f’moħħi li hawn tant aħwa Kristjani madwar id-​dinja li bħalissa stess qed jaqdu lil Jehovah lealment. . . . Kemm hija prezzjuża l-​unità bħal dik taʼ bejn l-​aħwa li teżisti bejnietna!”—Efes. 4:3.