Qed Tużahom il-​Handbills?

Darba minnhom tifel taʼ 11-il sena sab handbill jirreklama taħdita pubblika fuq is-​suġġett taʼ l-​infern. “Dan interessani ferm,” spjega hu iktar tard, “għax donnu jien dejjem kont qed nagħmel xi ħaġa li mhix xierqa, u għalhekk kont ninkwieta ħafna li se mmur f’infern jaqbad meta mmut.” Hu mar għat-​taħdita, u xi sena wara, wara diversi sessjonijiet taʼ studju tal-​Bibbja, tgħammed. Hekk bdiet il-​karriera Kristjana taʼ Karl Klein, li iktar tard qeda għal ħafna snin bħala membru tal-​Ġemgħa li Tiggverna tax-​Xhieda taʼ Ġeħova. Kollox beda b’handbill.

Il-handbills illum għadhom għodda effettiva li nagħtu xiehda biha. Ħafna pubblikaturi jsibu li jekk jagħtu handbill lil persuna, ikun mod tajjeb kif jintroduċu ruħhom u jibdew konversazzjoni. Il-​ġenituri jistgħu jinvolvu liċ-​ċkejknin tagħhom fil-​ministeru billi jqabbduhom joffru handbill meta jħabbtu xi bieb. Pubblikaturi li jieħdu sehem fl-​għoti taʼ xiehda bl-​ittri jistgħu jirreklamaw il-​laqgħat billi maʼ l-​ittra jibagħtu wkoll handbill. U, m’għandniex xi ngħidu, il-​handbills huma mod konvenjenti kif nistiednu għal-​laqgħat tagħna lill-​istudenti tal-​Bibbja u lil oħrajn li juru interess.

Qiegħed int tużahom tajjeb il-​handbills fil-​ministeru tiegħek?