Programm Ġdid taʼ l-​Assemblea tas-​Circuit

Matul l-​aħħar jiem taʼ din id-​dinja qadima u korrotta, huwa vitali li nżommu fuqna l-​ħwejjeġ spiritwali tagħna u nipproteġu l-​identità Kristjana tagħna. (Riv. 16:15) Għalhekk, huwa xieraq li t-​tema tal-​programm taʼ l-​assemblea tas-​circuit għas-​sena taʼ servizz 2006 tkun “Ilbsu l-​Personalità l-​Ġdida.”​—Kol. 3:10.

L-Ewwel Jum: L-ewwel serje taʼ taħditiet, “Inħallu Aspetti tal-​Personalità l-​Ġdida Jidhru Ċar,” se tenfasizza kif billi nikkultivaw il-​personalità l-​ġdida nibbenefikaw f’kull aspett taʼ ħajjitna. Kif nikkultivawha l-​personalità l-​ġdida? Dan se jiġi kunsidrat fl-​aħħar żewġ taħditiet taʼ l-​ewwel jum, “Iddixxiplina Lilek Innifsek biex Timmedita Sew” u “Edukazzjoni li Tifformalna l-​Personalità l-​Ġdida.”

It-Tieni Jum: Fit-​tieni serje taʼ taħditiet, “Nikkultivaw Ilsien l-​Għorrief” se nikkunsidraw kif il-​personalità l-​ġdida tinfluwenza l-​mod kif nużaw ilsienna. “Qiegħed Tirbaħ lill-​Ħażin?” hija t-​tema tat-​taħdita pubblika, li se tenfasizza l-​bżonn li nibqgħu b’għajnejna miftuħin għat-​tattiki taʼ Satana. L-​aħħar żewġ taħditiet taʼ l-​assemblea, “Żomm Ruħek Mingħajr Tebgħa mid-​Dinja” u “Inġeddu minn Jum għall-​Ieħor il-​Bniedem li Aħna minn Ġewwa,” se jgħinuna nwarrbu attitudnijiet u mġiba li jmorru kontra l-​modi ġusti t’Alla u nibqgħu sodi fil-​qima tagħna lil Ġeħova.

Kemm inħarsu ’l quddiem lejn li nirċievu dan l-​inkuraġġiment biex nilbsu u nżommu l-​personalità l-​ġdida!