Programm Ġdid taʼ l-​Assemblea tas-​Circuit

F’dan iż-​“żmien iebes” li diffiċli biex insibu tarfu, aħna neħtieġu l-​għerf divin biex niksbu u biex jibqaʼ jkollna l-​approvazzjoni taʼ Jehovah. (2 Tim. 3:1) Il-​programm taʼ l-​assemblea tas-​circuit għas-​sena taʼ servizz 2005 se jipprovdilna pariri u inkuraġġiment prattiku hekk kif se jiżviluppa t-​tema “Kun Gwidat mill-​‘Għerf li Ġej minn Fuq.’”​—Ġak. 3:​17, NW.

L-ewwel serje taʼ taħditiet, “Nuru f’Ħajjitna ‘l-​Għerf li Ġej minn Fuq,’” se tgħinna naraw x’jinvolvi li nkunu safjin, inġibu l-​paċi, inkunu raġunevoli, u lesti li nobdu. Imbagħad l-​indokratur tas-​circuit se jagħti l-​attenzjoni lil tliet aspetti oħra taʼ għerf li ġej mis-​sema. L-​indokratur tad-​distrett se jikkonkludi l-​ewwel jum billi juri kif il-​ministri Kristjani, għalkemm meqjusin minn xi wħud bħala “sempliċi u bla tagħlim,” huma mgħammrin biex jitkellmu l-​għerf t’Alla.​—Atti 4:​13.

Fit-tieni jum, serje taʼ taħditiet intitolata “Segwi l-​Affarijiet li Jibnu” se tgħinna nidentifikaw u nevitaw affarijiet li jistgħu jdgħajfuna spiritwalment. Se turina wkoll kif nistgħu nibnu lil oħrajn fil-​laqgħat tal-​kongregazzjoni, fil-​ministeru taʼ l-​għalqa, u fiċ-​ċirku tal-​familja. It-​taħdita pubblika, “Kif Nibbenefikaw mill-​Għerf t’Alla,” se żżidilna l-​apprezzament għall-​benefiċċji li nirċievu hekk kif napplikaw prinċipji divini f’ħajjitna. It-​taħdita finali, “Protetti Jekk Naġixxu fuq l-​Għerf Divin,” se ssaħħilna d-​determinazzjoni li nfittxu l-​għerf mingħand Jehovah matul dawn l-​aħħar jiem.

Xi ħaġa li tispikka f’kull assemblea hija l-​magħmudija taʼ dixxipli ġodda. Fil-​programm se jkun hemm ukoll l-​Iskola tal-​Ministeru Teokratiku u l-​Istudju tat-​Torri taʼ l-​Għassa għal dik il-​ġimgħa. Jehovah jixtieq li lkoll kemm aħna nibbenefikaw mill-​għerf li jipprovdi. Se nistagħnu spiritwalment bil-​pariri u bl-​inkuraġġiment li hemm lesti għalina fl-​assemblea tas-​circuit.​—Prov. 3:​13-​18.