Vidjo li Jenfasizza Żvilupp Mediku Importanti

Il-​professjonisti legali u l-​professjonisti tal-​kura tas-​saħħa qegħdin jagħtu iktar u iktar attenzjoni għall-​opinjonijiet morali u d-​drittijiet tal-​pazjenti mediċi. Dan il-​fatt mexxa ’l quddiem terapiji u metodi ġodda li minnhom jistgħu jibbenefikaw ix-​Xhieda taʼ Ġeħova. (Atti 15:​28, 29) Dan huwa dak li hu spjegat fil-​vidjo Transfusion-Alternative Health Care​—Meeting Patient Needs and Rights (Kura tas-​Saħħa Alternattiva għat-​Trasfużjoni​—Jiġu Rispettati l-​Ħtiġijiet u d-​Drittijiet tal-​Pazjent). Arah, imbagħad irrivedi dak li tgħallimt.​—Innota: Minħabba li l-​vidjo jinkludi xeni qosra t’operazzjonijiet, il-​ġenituri għandhom jużaw l-​għaqal meta jaraw il-​vidjo maʼ wliedhom iż-​żgħar.

(1) Xi wħud fil-​komunità medika għala qed jerġgħu jaħsbuha dwar l-​użu tat-​trasfużjonijiet tad-​demm? (2) Agħti tliet eżempji t’operazzjonijiet komplikati mwettqin mingħajr trasfużjonijiet tad-​demm. (3) Kemm-il tabib u kirurgu mad-​dinja kollha indikaw li huma lesti li jagħtu kura lill-​pazjenti mingħajr trasfużjonijiet tad-​demm? Għala huma lesti li jagħmlu dan? (4) L-​istudji reċenti li għamlu xi sptarijiet xi wrew dwar lużu tad-​demm? (5) X’inhuma r-​riskji mediċi jekk jingħataw it-​trasfużjonijiet tad-​demm? (6) Xi kkonkludew ħafna esperti dwar il-​benefiċċji t’alternattivi għat-​trasfużjonijiet? (7) X’jikkaġuna l-​anemija? Il-​bnedmin kemm jistgħu jittollerawha? X’jistaʼ jsir biex ipatti għaliha? (8) Kif tistaʼ titqanqal il-​produzzjoni taċ-​ċelluli ħomor fil-​ġisem taʼ pazjent? (9) Liema metodi qed jintużaw sabiex it-​telf taʼ demm jonqos matul operazzjoni? (10) Jistgħu l-​alternattivi għat-​trasfużjonijiet ikunu effettivi għat-​tfal żgħar jew għal uħud li jkunu involuti f’każi t’emerġenza meta l-​ħajja tkun fil-​periklu? (11) X’inhu wieħed mill-​prinċipji etiċi primarji għal kura medika tajba? (12)  Għala huwa importanti li l-​Kristjani jagħżlu minn qabel liema kura mingħajr demm se jieħdu? Kif nistgħu nagħmlu dan?

Li wieħed jaċċetta xi kura li tissemma fil-​vidjo hija deċiżjoni persunali taʼ kull individwu fi qbil mal-​kuxjenza tiegħu mħarrġa mill-​Bibbja. Iddeċidejt liema alternattivi għat-​trasfużjoni lest li taċċetta għalik u għal uliedek? Il-​membri tal-​familja li m’humiex Xhieda wkoll għandhom jiġu informati għalkollox bid-​deċiżjonijiet tiegħek u r-​raġunijiet għalihom.​—Ara “Mistoqsijiet mill-​Qarrejja” fil-​ħarġiet tat-​Torri taʼ l-​Għassa tal-​15 taʼ Ġunju u tal-​15 t’Ottubru, 2000.