L-​Aqwa Kwalità taʼ Kura Medika​—X’Inhi?

“Kwalunkwe pazjent li jirċievi mediċina mingħajr demm ikun qiegħed, bażikament, jirċievi l-​aqwa kwalità taʼ kirurġija li teżisti.” Hekk qal Dr. Michael Rose, direttur mediku u anestesjologu. Liema proċeduri u alternattivi għat-​trasfużjonijiet jistaʼ jkun fiha l-​“mediċina mingħajr demm”? Int għandek bżonn tkun taf sabiex tagħmel deċiżjonijiet li jinvolvu trattament u kirurġija medika. Ara l-​vidjo No Blood​—Medicine Meets the Challenge (Xejn Demm—Il-​Mediċina Tilqaʼ l-​Isfida). Wara, ittestja l-​fehma tiegħek bil-​mistoqsijiet li ġejjin.​—Nota: Peress li l-​vidjo fih xeni qosra t’operazzjonijiet, il-​ġenituri jridu joqogħdu attenti meta jkunu qed jaraw il-​vidjo mat-​tfal żgħar tagħhom.

(1) X’inhi r-​raġuni prinċipali għala x-​Xhieda taʼ Ġeħova jirrifjutaw trasfużjonijiet tad-​demm? (2) Meta jkun hemm bżonn taʼ kura medika, xi jkunu jixtiequ x-​Xhieda taʼ Ġeħova? (3) Liema dritt bażiku għandhom il-​pazjenti? (4) Għala tkun raġunevoli u responsabbli meta tagħżel alternattivi għat-​trasfużjoni? (5) Meta jintilef ħafna demm, liema żewġ prijoritajiet urġenti għandhom it-​tobba? (6) Liema huma l-​erbaʼ prinċipji taʼ strateġiji alternattivi għat-​trasfużjoni? (7) It-​tobba kif jistgħu (a) inaqqsu t-​telf tad-​demm, (b) iżommu ċ-​ċelluli ħomor tad-​demm, (ċ) jistimulaw il-​produzzjoni tad-​demm, u (d) jirkupraw id-​demm mitluf? (8) Iddeskrivi l-​proċeduri magħrufin bħala (a) hemodilution u (b) cell salvage. (9) Dwar xiex tixtieq tkun informat rigward kwalunkwe alternattiva għat-​trasfużjoni? (10) Jistgħu operazzjonijiet serji u komplikati jsiru mingħajr l-​użu tat-​trasfużjonijiet tad-​demm? (11) Liema żvilupp pożittiv qed iseħħ fil-​komunità medika?

Li wieħed jaċċetta xi kura li tissemma fil-​vidjo hija deċiżjoni persunali taʼ kull individwu fi qbil mal-​kuxjenza tiegħu mħarrġa mill-​Bibbja. Iddeċidejt liema alternattivi tat-​trasfużjoni lest li taċċetta għalik u għal uliedek? Il-​membri tal-​familja li m’humiex Xhieda wkoll għandhom jiġu informati għalkollox bid-​deċiżjonijiet tiegħek u r-​raġunijiet għalihom.—Ara “Mistoqsijiet mill-​Qarrejja” fil-​ħarġiet tat-​Torri taʼ l-​Għassa tal-​15 taʼ Ġunju, 2004, u tal-​15 t’Ottubru, 2000.