Ibbenefika mill-​Vidjo No Blood​—Medicine Meets the Challenge

Kemm int informat sew dwar l-​għażliet disponibbli fil-​qasam tal-​mediċina mingħajr l-​użu tad-​demm? Tifhem x’inhuma xi ftit mill-​alternattivi għat-​trasfużjonijiet u kif jaħdmu? Ara l-​vidjo, u ittestja l-​għarfien tiegħek bil-​mistoqsijiet li ġejjin.​—Nota: Minħabba li l-​vidjo jinkludi xeni qosra t’operazzjonijiet, il-​ġenituri għandhom jużaw l-​għaqal meta jiddeċiedu jekk iħallux lit-​tfal żgħar jarawh jew le.

(1) X’inhi r-​raġuni prinċipali għala x-​Xhieda taʼ Ġeħova jirrifjutaw it-​trasfużjonijiet tad-​demm, u dan il-​prinċipju fejn jinsab fil-​Bibbja? (2) Fejn tidħol il-​kura medika, aħna x’nixtiequ? (3) Xi dritt bażiku għandhom il-​pazjenti? (4) Għala huwa raġunevoli u għaqli li ma taċċettax trasfużjonijiet tad-​demm? (5) Meta jintilef ħafna demm, liema żewġ prijoritajiet urġenti għandhom it-​tobba? (6) Liema riskji għas-​saħħa huma assoċjati mat-​trasfużjonijiet tad-​demm? (7) Liema huma xi ftit mill-​għodod li għandhom it-​tobba biex inaqqsu mit-​telf tad-​demm waqt xi operazzjoni? (8) X’għandek tkun trid taf rigward kwalunkwe alternattiva għat-​trasfużjoni? (9) Jistgħu operazzjonijiet serji u komplikati jsiru mingħajr l-​użu taʼ trasfużjoni tad-​demm? (10) Numru li dejjem jikber taʼ tobba, x’inhuma lesti li jagħmlu għax-​Xhieda taʼ Ġeħova, u x’tistaʼ forsi tkun il-​proċedura taʼ kura għall-​pazjenti kollha?

Jekk taċċettax jew le xi kura msemmija fil-​vidjo hija deċiżjoni persunali li kull individwu għandu jieħu fi qbil mal-​kuxjenza tiegħu.​—Ara t-​Torri taʼ l-​Għassa tal-​15 taʼ Ġunju, 2004, pġi. 22-4, 29-​31, u t-​Torri taʼ l-​Għassa tal-​15 t’Ottubru, 2000, pġi. 30-1.