Ittra mill-​Uffiċċju

Għeżież Pubblikaturi tas-​Saltna:

Aħna nifirħu meta naraw il-​progress tax-​xogħol fil-​gżejjer Maltin matul is-​sena taʼ servizz 2007!

Fix-​xahar t’Ottubru ġejna mberkin bil-​wasla taʼ żewġ missjunarji ġodda mħarrġin f’Gilgħad. Fix-​xahar taʼ wara ġie fformat grupp ġdid tal-​lingwa Għarbija. Imbagħad, matul l-​aħħar parti taʼ Frar, saret l-​ewwel Skola tas-​Servizz taʼ Pijunier kollha kemm hi bil-​Malti u għaliha attendew 22 student. Dawn kienu jinkludu għadd taʼ pijunieri ġodda flimkien maʼ wħud li ilhom jaqdu fis-​servizz full-time. F’Marzu kellna l-​pjaċir nirrapportaw quċċata ġdida fit-​tqassim taʼ 259 ktieb. Dan kollu kkontribwixxa għall-​ogħla numru taʼ studji tal-​Bibbja li ġie rapportat f’xahar wieħed f’iktar minn 10 snin—total taʼ 284 studju!

Iktar minn 26,000 kopja taʼ l-​Aħbar tas-​Saltna Nru. 37, “It-​Tmiem tar-​Reliġjon Falza Huwa fil-​Qrib!” tqassmu madwar il-​gżejjer Maltin b’diversi lingwi.

Il-mira taʼ dawn il-​kampanji hi li individwi taʼ qalb onestà jitgħallmu x’tgħallem il-​Bibbja verament. (Mt. 28:​19, 20) Hekk kif tippriedka, ftakar u ħu nota taʼ kwalunkwe interess li ssib, u mur lura bil-​mira li tibda studju tal-​Bibbja. Aħna henjin li qed naħdmu spalla maʼ spalla magħkom f’din l-​attività importanti, u nibagħtulkom limħabba Kristjana tagħna mill-​qalb.

Ħutkom,

Uffiċċju taʼ Malta