L-​Akbar Kampanja taʼ Ppridkar li Qatt Rat id-​Dinja!

Għal iktar minn 100 sena, ix-​Xhieda taʼ Ġeħova organizzaw ruħhom biex jaqsmu l-​aħbar tajba. (1 Kor. 9:23) F’din l-​akbar kampanja taʼ ppridkar li qatt rat id-​dinja, aħna nxandru dan il-​messaġġ b’mijiet taʼ lingwi. Aħna naqsmu dan il-​messaġġ f’iktar minn 230 pajjiż. (Mt. 24:14) Iżda għala huwa neċessarju dan ix-​xogħol? U kif qed jitwettaq fuq skala globali?

Id-DVD Jehovah’s Witnesses—Organized to Share the Good News (Ix-Xhieda taʼ Ġeħova—Organizzati biex Jaqsmu l-​Aħbar Tajba m’Oħrajn) iwieġeb dawn il-​mistoqsijiet billi jipprovdi ħarsa dettaljata dwar id-​diversi aspetti taʼ l-​attività internazzjonali tagħna. Hekk kif tara l-​vidjo, ikkunsidra dawn il-​mistoqsijiet: (1) Kif inhi organizzata u mmexxija l-​attività tagħna? (2) Id-​Dipartimenti tal-​Kitba, tas-​Servizzi tat-​Traduzzjoni, taʼ l-​Arti, u tas-​Servizzi taʼ l-​Awdjo u tal-​Vidjo, kif jikkontribwixxu biex titwassal l-​aħbar tajba? (3) X’inhu l-​iskop fix-​xogħol estensiv tagħna taʼ l-​istampar u tal-​mod kif tintbagħat il-​letteratura? (Ġw. 17:3) (4) Kemm tiġi stampata letteratura kull sena? (5) X’wettqu l-​pubblikazzjonijiet tagħna bbażati fuq il-​Bibbja? (Ebr. 4:12) (6) X’qed isir biex tiġi provduta l-​assistenza spiritwali lil dawk neqsin mill-​vista jew mis-​smigħ? (7) Kif jiġi finanzjat ix-​xogħol tagħna? (8) Kif qed nibbenefikaw mix-​xogħol tas-​Servizzi taʼ Informazzjoni għall-​Isptarijiet, mid-​Dipartiment tas-​Servizz, u mid-​Dipartiment tal-​Konvenzjoni? (9) Bħala wieħed mix-​Xhieda taʼ Ġeħova, dan il-​vidjo kif kabbar l-​apprezzament tiegħek għal (a) l-​isforz li l-​organizzazzjoni taʼ Ġeħova qed tagħmel biex tippriedka l-​aħbar tajba? (b) l-​iktar minn 100 familja taʼ Betel madwar id-​dinja? (ċ) it-​taħriġ edukattiv provdut għall-​indokraturi u l-​missjunarji? (d) l-​importanza biex tibda l-​ġurnata billi tikkunsidra l-​iskrittura tal-​jum u tipprepara kull ġimgħa għal-​laqgħat Kristjani? (e) il-​benefiċċji li tattendi l-​laqgħat Kristjani tagħna? (f) x’se tkun tfisser il-​Ġenna taʼ l-​art għalik? (Is. 11:9) (ġ) li tieħu sehem fix-​xogħol tal-​ħsad li għadu sejjer?—Ġw. 4:35.

X’reazzjonijiet pożittivi rajt meta wrejt dan id-​DVD lil qrabatek, lil ħbiebek, lil dawk li għamiltilhom żjara lura, u lill-​istudenti tal-​Bibbja? Għala ma tiħux l-​opportunità biex tara dan il-​vidjo maʼ xi ħadd u taqsam miegħu l-​aħbar tajba bla dewmien?—Mt. 28:19, 20.