Kaxxa għall-​Mistoqsija

◼ Jistgħu ż-​żewġ ġenituri jniżżlu l-​ħin li jużaw għall-​istudju regulari tal-​familja?

Għalkemm il-​missirijiet għandhom ir-​responsabbiltà primarja li jrabbu lil uliedhom “fid-​dixxiplina u l-​gwida mentali taʼ Ġeħova,” iż-​żewġ ġenituri jieħdu sehem fit-​taħriġ taʼ wliedhom. (Efes. 6:4) Il-​Bibbja tinkuraġġixxi lit-​tfal: “Ibni, ismaʼ mid-​dixxiplina taʼ missierek, u titlaqx il-​liġi t’ommok.” (Prov. 1:8) Aspett importanti tat-​taħriġ mill-​ġenituri hu l-​istudju tal-​Bibbja tal-​familja.

Fil-passat, kien biss il-​ġenitur li jkun qed jikkonduċi l-​istudju tal-​familja maʼ wliedu li ma jkunux mgħammdin li jirrapporta l-​ħin, anki jekk iż-​żewġ ġenituri kienu involuti fid-​diskussjoni. Madankollu, qed isir aġġustament. Jekk matul l-​istudju tal-​familja ż-​żewġ ġenituri jieħdu sehem flimkien biex jgħallmu lit-​tfal, it-​tnejn li huma jistgħu jgħoddu mhux iktar minn siegħa fil-​ġimgħa bħala servizz taʼ l-​għalqa. M’għandniex xi ngħidu, il-​ġenituri ġeneralment iqattgħu ħafna iktar minn siegħa fil-​ġimgħa jgħallmu lil uliedhom. It-​taħriġ tat-​tfal jinvolvi sforz kontinwu min-​naħa taż-​żewġ ġenituri. (Dt. 6:6-9) Madankollu, ir-​rapport tas-​servizz taʼ l-​għalqa taʼ kull xahar għandu jirrifletti primarjament dak li qed jitwettaq fl-​għalqa. Għalhekk, m’għandhomx jgħoddu iktar minn siegħa fil-​ġimgħa, anki jekk l-​istudju jdum iktar minn siegħa, isir iktar minn darba fil-​ġimgħa, jew jekk isiru studji separati mat-​tfal. Ġenitur wieħed biss jirrapporta l-​istudju tal-​Bibbja tal-​familja u jniżżel żjara lura waħda fil-​ġimgħa biex juri li l-​istudju sar.