Kaxxa għall-​Mistoqsija

◼ Kemm għandna ndumu nistudjaw maʼ student tal-​Bibbja progressiv?

Ikun aħjar li tkompli tistudja maʼ student tal-​Bibbja progressiv sakemm ikun studja żewġ pubblikazzjonijiet—Il-​Bibbja X’Tgħallem Verament? u “Żommu Ruħkom fl-​Imħabba t’Alla.” Dan hu minnu anke jekk l-​istudent jitgħammed qabel ma jispiċċa ż-​żewġ kotba. Wara l-​magħmudija tiegħu nistgħu nibqgħu nniżżlu l-​ħin, iż-​żjajjar lura, u l-​istudju. Jekk pubblikatur jiġi magħna u jieħu sehem fl-​istudju, hu wkoll jistaʼ jniżżel il-​ħin.—Ara l-​Ministeru tas-​Saltna taʼ Marzu 2009, paġna 2.

Huwa importanti li wħud ġodda jkollhom pedament tajjeb fil-​verità qabel ma nieqfu nistudjaw magħhom. Iridu ‘jagħmlu l-​għeruq’ fi Kristu u ‘jissodaw fil-​fidi’ sabiex ikunu jistgħu jirreżistu l-​provi li żgur se jħabbtu wiċċhom magħhom. (Kol. 2:6, 7; 2 Tim. 3:12; 1 Pt. 5:8, 9) Minbarra dan, biex jgħallmu lil oħrajn effettivament, jeħtieġ li jkollhom “għarfien eżatt dwar il-​verità.” (1 Tim. 2:4) Bl-​istudju taʼ żewġ kotba mal-​istudenti tagħna, inkunu qed ngħinuhom jiksbu waqfa soda fit-​“triq li tieħu għall-​ħajja.”—Mt. 7:14.

Qabel ma l-​anzjani japprovaw lil xi ħadd għall-​magħmudija, għandhom ikunu ċerti li hu jifhem b’mod ċar it-​tagħlim bażiku tal-​Bibbja u li qed jgħix fi qbil miegħu. L-​anzjani għandhom ikunu attenti speċjalment meta jkunu qed jikkunsidraw għall-​magħmudija student li għadu ma lestiex l-​ewwel ktieb taʼ studju. Jekk xi ħadd ikun għadu mhux lest għall-​magħmudija, l-​anzjani se jagħmlu ċert li jirċievi l-​għajnuna persunali meħtieġa sabiex jikkwalifika għall-​magħmudija fil-​futur.—Ara l-​ktieb Organizzati biex Nagħmlu r-​Rieda taʼ Ġeħova, paġni 216-​218.

[Kumment f’paġna 2]

Huwa importanti li wħud ġodda jkollhom pedament tajjeb fil-​verità