Għinhom ‘Jissodaw fil-​Fidi’

Huwa eċċitanti li naraw kif Ġeħova qed ibierek il-​ġbir, b’iktar minn kwart taʼ miljun persuna jitgħammdu kull sena. (Dt. 28:2) Meta pubblikatur jgħin lill-​istudent jasal għall-​magħmudija, il-​pubblikatur għandu mnejn jiddeċiedi li ma jkomplix l-​istudju u jiffoka fuq li jgħin lil oħrajn. L-​istudent ukoll għandu mnejn jitħajjar iwaqqaf l-​istudju sabiex iqattaʼ iktar ħin fil-​ministeru. Madankollu, huwa importanti għall-​istudenti tal-​Bibbja li jkollhom pedament sod fil-​verità. Jeħtieġ li ‘jagħmlu l-​għeruq’ fi Kristu u ‘jissodaw fil-​fidi.’ (Kol. 2:6, 7; 2 Tim. 3:12) Għalhekk, wara li jitgħammed, l-​istudent għandu jkompli l-​istudju tal-​Bibbja tiegħu sakemm ilesti kemm il-​ktieb Il-​Bibbja X’Tgħallem? kif ukoll il-​ktieb Fl-​Imħabba t’Alla.—Ara l-​Ministeru tas-​Saltna t’April, 2011, paġna 2.