Kaxxa għall-​Mistoqsija

◼ Għandna ngħidu talba fi studju tal-​Bibbja li jsir fl-​għatba tal-​bieb?

Hemm ħafna benefiċċji f’li tiftaħ u tagħlaq studju tal-​Bibbja b’talba. Permezz tat-​talb, aħna nitolbu lil Ġeħova għall-​ispirtu qaddis tiegħu fuq id-​diskussjoni tagħna. (Lq. 11:13) Ukoll, it-​talb jenfasizza għall-​istudent tagħna s-​serjetà tal-​istudju tal-​Bibbja tiegħu u jgħallmu kif jitlob. (Lq. 6:40) Għalhekk, hu tajjeb li tintroduċi t-​talb mill-​iktar fis possibbli. Madanakollu, peress li ċ-​ċirkustanzi jvarjaw, min jikkonduċi l-​istudju għandu juża d-​dixxerniment f’li jiddeċiedi jekk għandux joffri talba fi studju tal-​Bibbja li jsir fl-​għatba tal-​bieb.

Fattur importanti wieħed li għandna nikkunsidraw hu l-​post fejn isir l-​istudju. Jekk hemm xi ftit privatezza, tistaʼ tingħad talba qasira b’mod diskret qabel u wara l-​istudju stabbilit. Però, jekk dan se jiġbed l-​attenzjoni tan-​nies jew iġiegħel lill-​istudent iħossu skomdu, għandu mnejn ikun aħjar li tistenna sakemm l-​istudju jkun jistaʼ jsir f’post fejn hemm iktar privatezza. Isir fejn isir l-​istudju, għandna nużaw l-​għaqal meta niddeċiedu meta għandna nibdew ngħidu talba.—Ara l-​Ministeru tas-​Saltna taʼ Marzu 2005, paġna 4.