Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Ġunju

“Qatt ħsibt dwar għala l-​Bibbja tirreferi għal Ġesù bħala l-​iben t’Alla? [Agħti ċans għal tweġiba.] Innota x’jgħid dan.” Uri l-​qoxra taʼ wara tat-​Torri tal-​Għassa taʼ Mejju-​Ġunju, u kkunsidraw flimkien il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u ftiehem biex tmur lura ħalli tiddiskutu l-​mistoqsija li jmiss.

Nota: Din it-​turija għandha ssir matul il-​laqgħa għas-​servizz tal-​għalqa fl-​1 taʼ Ġunju.

It-Torri tal-Għassa Mejju-​Ġunju

“Kulħadd għandu xi problema. Dan iġiegħel lil xi wħud jaħsbu dwar l-​iskop tal-​ħajja. X’taħseb li hu wieħed mill-​akbar ostakli għall-​ferħ illum? [Agħti ċans għal tweġiba.] Il-​Bibbja twiegħed li Alla dalwaqt se jneħħi l-​problemi li qed niffaċċjaw bħalissa. [Aqra Rivelazzjoni 21:4.] Din ir-​rivista tiddiskuti x’inhuma l-​prospetti futuri tagħna kif ukoll kif jistaʼ jkollna ħajja sinifikanti saħansitra issa.”

Stenbah! Mejju-​Ġunju

“Il-​vjolenza domestika hi problema mad-​dinja kollha. Xi wħud jgħidu li l-​fatturi li jikkontribwixxu għal dan huma l-​kultura tal-​individwu, it-​trobbija tiegħu, u d-​divertiment vjolenti. X’taħseb li hi r-​raġuni prinċipali għall-​vjolenza fid-​dar? [Agħti ċans għal tweġiba.] Il-​Bibbja turi kif għandha tkun ir-​relazzjoni bejn raġel u martu. [Aqra Efesin 5:33.] Din ir-​rivista tiddiskuti kif xi żwiġijiet ġew salvati għax ġew applikati l-​prinċipji tal-​Bibbja.”

Aħbar Tajba Mingħand Alla!

“Qed inżuru l-​familji fit-​triq tiegħek biex naqsmu ħsieb inkuraġġanti mill-​Bibbja. Ħafna wħud li tkellimna magħhom jaħsbu dwar għala Alla taʼ mħabba jippermetti tant tbatija fuq l-​art. Taħseb li t-​tbatija kienet parti mill-​iskop oriġinali t’Alla għall-​art?” Agħti ċans għal tweġiba. Imbagħad dur għal lezzjoni 5, u aqra u ddiskuti l-​ewwel żewġ paragrafi u l-​iskritturi miktubin bil-​korsiv. Offri l-​browxer, u agħmel arranġamenti biex tmur lura ħalli tiddiskutu l-​mistoqsija b’tipa grassa li jmiss.