Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Settembru

“Bonġu. Qed inżuru ftit lin-​nies biex nuruhom xi ħaġa taʼ min joqgħod fuqha li tgħin lill-​koppji biex ikollhom żwieġ taʼ suċċess. Fl-​opinjoni tiegħek, x’inhu l-​akbar xkiel għal żwieġ hieni?” [Agħti ċans għal tweġiba.] Uri l-​qoxra taʼ wara tat-​Torri tal-​Għassa tal-​1 taʼ Settembru, u flimkien ikkunsidraw il-​materjal taħt l-​ewwel mistoqsija u mqar waħda mill-​iskritturi ċitati. Offri r-​rivisti, u rranġa biex terġaʼ tmur ħalli tiddiskutu l-​mistoqsija li jmiss.

It-​Torri tal-​Għassa 1 taʼ Settembru

“Qed inkellmu lin-​nies għax ħafna wħud fl-​inħawi tagħna ma jistgħux jifhmu għala Alla ppermetta tant tbatija. Qatt ħsibt dwar dan? [Agħti ċans għal tweġiba.] Hu interessanti li l-​Bibbja twiegħed li se jkun hemm żmien meta n-​niket u l-​uġigħ ikunu xi ħaġa tal-​passat. [Aqra Rivelazzjoni 21:4.] Din ir-​rivista teżamina ħames raġunijiet fundamentali għala hawn tant tbatija. Turina wkoll dak li tgħid il-​Bibbja dwar kif Alla se jtemm it-​tbatija.”

Stenbah! Settembru

“Illum qed nipprovdu xi informazzjoni dwar festa popolari li dalwaqt se tiġi ċelebrata—il-​Halloween. Xi wħud għażlu li ma jiċċelebrawhiex minħabba twissijiet bħal din fil-​Bibbja. [Aqra Levitiku 19:31.] Nies oħrajn ma jemmnux fl-​ispirti sopranaturali u jħarsu lejn il-​Halloween bħala divertiment li ma jagħmilx ħsara. X’taħseb dwar din il-​festa? [Agħti ċans għal tweġiba.] Din ir-​rivista tirrivela l-​oriġini mill-​agħar tal-​Halloween.”